Read William Morgan Bible 1588 original edition Psalmau 118 Bible Online

Psalmau 118 - William Morgan Bible 1588 original edition bible

Psalmau 118

¹Clodforwch yr Arglwydd, canys dâ yw, o herwydd ei drugaredd [a beru] yn dragywydd.

²Dyweded Israel yr awr hon [mai daionus yw efe, ac] mai yn dragywydd [y peru] ei drugaredd ef.

³Dyweded tŷ Aaron yn awr, mai’n dragywydd [y peru] ei drugaredd ef.

⁴Yn awr dyweded y rhai a ofnant yr Arglwydd mai’n dragywydd [y mae] ei drugaredd.

⁵Mewn ing y gelwais ar yr Arglwydd, yr Arglwydd a’m clybu, [ac a’m gosododd] mewn ehangder.

⁶Yr Arglwydd [sydd] gyd â mi, nid ofnaf beth a wnel dŷn i mi.

⁷Yr Arglwydd [sydd] gyd â mi ym mhlith fyng-hynorthwy-wŷr: a mi a gâf weled [fy ewyllys] ar fyng-haseion.

⁸Gwell [yw] gobeithio yn yr Arglwydd, na gobeithio mewn dŷn.

⁹Gwell [yw] gobeithio yn yr Arglwydd, na gobeithio mewn tywysogion.

¹⁰Yr holl genhedloedd am hamgylchynâsant: ond yn enw’r Arglwydd y torraf hwynt ymmaith.

¹¹Amgylchynâsant fi, îe amgylchynâsant fi, ond yn enw’r Arglwydd y torraf hwynt ymmaith.

¹²Amgylchynâsant fi fel gwenyn, diffoddâsant fel tân drain: o herwydd yn enw’r Arglwydd y torraf hwynt ymmaith.

¹³Gan wthio y gwthiaist fi i syrthio: a’r Arglwydd a’m cynnorthwyodd.

¹⁴Yr Arglwydd [yw] fy nerth [a’m] cân: ac sydd iechydwriaeth i mi.

¹⁵Llef gorfoledd, ac iechydwriaeth [sydd] ym mhebyll y cyfiawn: deheulaw’r Arglwydd sydd yn gwneuthur grymmusder.

¹⁶Deheu-law’r Arglwydd a dderchafwyd, deheulaw’r Arglwydd sydd yn gwneuthur grymmusder.

¹⁷Ni byddaf farw eithr byw fyddaf: a mynegaf weithredoedd yr Arglwydd.

¹⁸Gan gospi i’m cospodd yr Arglwydd: ond ni’m rhoddodd i farwolaeth.

¹⁹Agorwch i mi byrth cyfiawnder [fel] yr elwyf iddynt, [ac] y clodforwyf yr Arglwydd.

²⁰Dymma borth yr Arglwydd, y rhai cyfiawn a ânt iddo.

²¹Clodforaf di, o herwydd i ti fyng-wrando, a’th fod yn iechydwriaeth i mi.

²²Y maen a wrthododd yr adeilad-wŷr a aeth yn benn congl.

²³O’r Arglwydd y daeth hyn, hynny [oedd] ryfedd yn ein golwg ni.

²⁴Dymma’r dydd a wnaeth yr Arglwydd, gorfoleddwn, a llawenychwn ynddo.

²⁵Attolwg Arglwydd achub yn awr, attolwg Arglwydd pâr yn awr lwyddiant.

²⁶Bendigedic yw a ddelo yn enw’r Arglwydd: bendithiâsom chwi o dŷ’r Arglwydd.

²⁷Yr Arglwydd [sydd] Dduw, ac a lewyrchodd i ni: rhwymwch yr aberth â rhaffau wrth gyrn yr allor.

²⁸Fy Nuw [ydwyt] ti, am hynny i’th glodforaf, derchafaf di fy Nuw.

²⁹Clodforwch yr Arglwydd canys da [yw:] o herwydd yn dragywydd [y peru] ei drugaredd ef.