Read William Morgan Bible 1588 original edition Psalmau 119 Bible Online

Psalmau 119 - William Morgan Bible 1588 original edition bible

Psalmau 119

¹[48]Gwynfyd y rhai perffaith [eu] fford: y rhai a rodiant yng-hyfraith yr Arglwydd.

²Gwyn-fyd y rhai a gadwant ei destiolaethau ef: [ac] ai ceisiant ef ai holl galon.

³Yn ddiau [y rhai] ni wnant anwiredd a rodiant yn ei ffordd ef.

⁴Ti a orchymynnaist gadw dy orchymynnion yn ddyfal.

⁵O am gyfeirio fy ffyrdd i gadw dy ddeddfau.

⁶Yna ni’m gwaradwyddid, pan edrychwn ar dy holl orchymynnion.

⁷Clodforaf di mewn iniondeb calon, pan ddyscwyf farnedigaethau dy gyfiawnder.

⁸Cadwaf dy ddeddfau: na âd fi’n dragywydd.

⁹Pa fodd y glanhâ llangc ei lwybr? wrth ymgadw yn ôl dy air di.

¹⁰A’m holl galon i’th geisiais, na âd i mi gyfeiliorni oddi wrth dy orchymynnion.

¹¹Cuddiais dy ymadroddion yn fyng-halon, er mwyn na phechwn i’th erbyn.

¹²Ti Arglwydd [wyt] fendigedic: dysc i mi dy ddeddfau.

¹³A’m gwefusau y treuthais holl farnedigaethau dy enau.

¹⁴Bu mor llawen gennif ffordd dy destiolaethau a’r holl olud.

¹⁵Yn dy orchymynnion y myfyriaf, ac ar dy lwybrau yr edrychaf.

¹⁶Yn dy ddeddfau’r ymddigrifaf, [ac] nid anghofiaf dy air.

¹⁷Bydd ddâ wrth dy wâs, [fel] y byddwyf byw, ac y cadwyf dy air.

¹⁸Dadcuddia fy llygaid, fel y gwelwyf [bethau] rhyfedd yn dy gyfraith.

¹⁹Dieithr ydwyf yn y tir, na chudd di rhagof dy orchymynnion.

²⁰Drylliwyd fy enaid gan âwydd i’th farnedigaethau bob amser.

²¹Ceryddaist y beilchion: melltigêdic [yw] y rhai a gyfeiliornant oddi wrth dy orchymynnion.

²²Trô oddi wrthif gywilydd a dirmyg, o blegit dy destiolaethau di a gedwais.

²³Tywysogion hefyd a eisteddâsant: [ac] a ddywedâsant i’m herbyn, dy wâs dithe a fefyrie yn dy ddeddfau.

²⁴A’th destiolaethau [oeddynt] fy hyfrydwch a’m cynghor-wŷr.

²⁵Glŷnodd fy enaid wrth y llwch, bywhâ fi’n ôl dy air.

²⁶Fy ffyrdd a fynêgais, a gwrandewaist fi: dysc i mi dy ddeddfau.

²⁷Gwna i mi ddeall ffordd dy orchymynnion, a mi a fyfyrriaf yn dy ryfeddodau.

²⁸Diferodd fy enaid gan ofid: bywhâ fi’n ôl dy air.

²⁹Cymmer oddi wrthif ffordd y celwydd, ac yn drugarog dod ti i mi dy gyfraith.

³⁰Dewisais ffordd dy wirionedd: gosodais dy farnedigaethau [o’m blaen.]

³¹Glŷnais wrth dy destiolaethau: ô Arglwydd, na’m gwradwydda.

³²Ffordd dy orchymynnion a rêdaf, pan ehangech fyng-halon.

³³[49]Dysc i mi ô Arglwydd ffordd dy ddeddfau, a chadwaf hi [hyd] y diwedd.

³⁴Gwna i mi ddeall, a chadwaf dy gyfraith: îe cadwaf hi a’m holl galon.

³⁵Gwna i mi gerdded yn llwybr dy orchymynnion: canys ynddo y mae fy ewyllys.

³⁶Gostwng fyng-halon at dy destiolaethau: ac nid at gybydd-dra.

³⁷Tro heibio fy llygaid rhag gweled gwagedd: [a] bywhâ fi yn dy ffyrdd.

³⁸Cyflawna dy air i’th wâs, fel [yr ymroddwyf] i’th ofn di.

³⁹Tro heibio fyng-wradwydd yr hwn a ofnais: canys dy farnedigaethau [ydynt] ddâ.

⁴⁰Wele awyddus ydwyf i’th orchymynnion: gwna i mi fyw yn dy gyfiawnder.

⁴¹Deued i mi dy drugaredd Arglwydd, a’th iechydwriaeth yn ôl dy air.

⁴²Yna’r attebaf i’m cabludd: o herwydd yn dy air y gobeithiais.

⁴³Na ddwg dithe air y gwirionedd o’m genau yn llwyr: o herwydd yn dy farnedigaethau di y gobeithiais.

⁴⁴A’th gyfraith a gadwaf yn wastadol byth ac yn dragywydd.

⁴⁵Rhodiaf hefyd mewn ehangder, o herwydd dy orchymynnion di a geisiaf.

⁴⁶Ac am dy destiolaethau di y llefaraf o flaen brenhinoedd, ac ni’m cywilyddir.

⁴⁷Onid ymddigrifaf yn dy orchymynnion y rhai a hoffais.

⁴⁸A’m dwylo a dderchafaf at dy orchymynnion y rhai a gêrais, a mi a fefyriaf yn dy ddeddfau di.

⁴⁹Cofia [dy] air i’th wâs yn yr hwn y peraist i mi obeithio.

⁵⁰Dymma fyng-hyssur mewn cystudd, mai dy air di a’m bywha fi.

⁵¹Y beilchion a’m gwatwarasant yn ddirfawr: [er hynny] ni throais oddi wrth dy gyfraith di.

⁵²Cofiais ô Arglwydd dy farnedigaethau er ioed, ac ymgyssurais.

⁵³Ofn a ddaeth arnaf o blegit yr annuwiolion, y rhai sydd yn gadu dy gyfraith di.

⁵⁴Dy ddeddfau oeddynt fyng-hân yn nhŷ fy mhererindod.

⁵⁵Cofiais dy enw Arglwydd liw nôs, a chedwais dy gyfraith.

⁵⁶Hyn oedd gennif, a’m gadw o honof dy orchymynnion di.

⁵⁷O Arglwydd fy rhan [ydwyt,] meddyliais gadw dy eiriau.

⁵⁸Gweddiais ger dy fron [a’m] holl galon: trugarhâ wrthif yn ôl dy air.

⁵⁹Meddyliais am fy ffyrdd, a throais fy nhraed at dy destiolaethau di.

⁶⁰Bryssiais, ac nid oedais gadw dy orchymynnion.

⁶¹Minteioedd yr annuwiolion a’m hyspeiliasant: [ond] nid anghofiais dy gyfraith di.

⁶²Hanner nôs y cyfodaf i’th foliannu am farnedigaethau dy gyfiawnder.

⁶³Cyfaill [ydwyfi] i’r rhai oll a’th ofnant, ac i’r rhai a gadwant dy orchymynnion.

⁶⁴Llawn yw’r ddaiar oth drugaredd ô Arglwydd: dysc i mi dy ddeddfau.

⁶⁵Gwnaethost yn dda a’th wâs ô Arglwydd, yn ôl dy air.

⁶⁶Dysc i mi iawn ddeall, a gŵybodaeth, o herwydd yn dy orchymynnion di y credais.

⁶⁷Cyn fy narostwng yr oeddwn yn cyfeiliorni: ond yn awr cedwais dy air di.

⁶⁸Da [ydwyt,] a daionus, dysc i mi dy ddeddfau.

⁶⁹Y beilchion a glyttiasant gelwydd i’m herbyn: minne a gadwaf dy orchymynnion a’m holl galon.

⁷⁰Cyn frased a’r bloneg yw eu calon: minne a ymddigrifais [yn] dy gyfraith di.

⁷¹Da yw i mi fy narostwng, fel y dyscwn dy ddeddfau.

⁷²Gwell i mi gyfraith dy enau, na miloedd [o ddarnau] aur, ac arian.

⁷³Dy ddwylo a’m gwnaethant, ac a’m llunniasant: pâr i mi ddeall fel y dyscwyf dy orchymynnion.

⁷⁴Y rhai a’th ofnant a’m gwelant, ac a lawenychant, o blegit gobeithio o honof yn dy air di.

⁷⁵Gwn Arglwydd mai cyfiawn [yw] dy farnedigaethau: a chystuddio o honot fi yn ffyddlon.

⁷⁶Bydded attolwg dy drugaredd i’m cyssuro yn ôl dy air i’th wasanaeth-wr.

⁷⁷Deued i mi dy drugareddau, fel y byddwyf byw: o herwydd dy gyfraith [yw] fy nigrifwch.

⁷⁸Cywilyddier y beilchion, canys ar gam i’m plygent [ond] myfi a fefyrriaf yn dy orchymynnion di.

⁷⁹Troer attafi y rhai a’th ofnant di, a’r rhai a adwaenant dy destiolaethâu.

⁸⁰Bydded fyng-halon yn berffaith yn dy ddeddfau, fel na’m cywilyddier.

⁸¹Deffygiodd fy enaid am dy iechydwriaeth, wrth dy air yr ydwyf yn disgwil.

⁸²Y mae fy llygaid yn pallu [yn edrych] am dy air gan ddywedyd: pa bryd i’m diddêni?

⁸³Canys ydwyf fel costrel mewn mŵg [ond] nid anghofiais dy ddeddfau.

⁸⁴Pa nifer [yw] dyddiau dy wâs? pa bryd y gwnei farn ar y rhai a’m herlidiant?

⁸⁵Y beilchion a gloddiâsant byllau i mi, yr hyn nid yw wrth dy gyfraith di.

⁸⁶Dy holl orchymynnion [ydynt] wirionedd, ar gam i’m herlidiasant, cymmorth fi.

⁸⁷Braidd na’m difasant ar y ddaiar, a minne ni adewais dy orchymynnion.

⁸⁸Bywhâ fi yn ôl dy drugaredd: fel y cadwyf destiolaeth dy enau.

⁸⁹Dy air ô Arglwydd sydd yn parhau byth yn y nefoedd.

⁹⁰Dy wirionedd [sydd] dros genhedlaeth a chenhedlaeth seiliaist y ddaiar, a hi a saif.

⁹¹Wrth dy farnedigaethau y safant heddyw: canys dy weision [ydynt] oll.

⁹²Oni bai [fod] dy ddeddf yn hyfrydwch i mi, darfuase yna am danaf yn fyng-hystudd.

⁹³Byth ni anghofiaf dy orchymynnion: canys â hwynt i’m bywheaist.

⁹⁴Eiddot ti ydwyfi, achub fi ô herwydd dy orchymynnion a geisiais.

⁹⁵Y rhai annuwiol a ddisgwyliasant am danaf i’m difetha, dy destiolaethau di a ystyriaf.

⁹⁶Yr ydwyf yn gwêled diwedd ar bob perffeithrwydd, [ond] dy orchymyn di sydd dra ehang.

⁹⁷Mor gu gennif dy gyfraith di: hi yw fy myfyrdod beunydd.

⁹⁸A’th orchymynnion yr ydwyt yn fyng-wneuthur yn ddoethach na’m gelynnion: canys byth [y maent] gyd â mi.

⁹⁹Deallais fwy na’m holl athrawon: o herwydd dy destiolaethau [ydynt] fy myfyrdod i.

¹⁰⁰Deallais yn well na’r henuriaid, am gadw o honof dy orchymynnion di.

¹⁰¹Atteliais fy nhraed oddi wrth bob llwybr drwg, fel y cadwn dy air di.

¹⁰²Ni chiliais oddi wrth dy farnedigaethau, o herwydd ti a’m dyscaist.

¹⁰³Mor felus yw dy eiriau i’m genau: [melusach] na mêl i’m safn.

¹⁰⁴Trwy dy orchymynnion di y pwyllais: am hynny y caseais bob gau lwybr.

¹⁰⁵[50]Llusern [yw] dy air i’m traed, a llewyrch i’m llwybr.

¹⁰⁶Tyngais, a chyflawnaf, y cadwn farnedigaethau dy gyfiawnder.

¹⁰⁷Cystuddiwyd fi yn ddirfawr: bywha fi ô Arglwydd yn ôl dy air.

¹⁰⁸Attolwg Arglwydd bydd fodlon i ewyllyscar offrymmau fyng-enau, a dysc i mi dy farnedigaethau.

¹⁰⁹[Y mae] fy enaid yn fy llaw yn oestadol: er hynny nid anghofiais dy gyfraith.

¹¹⁰Y rhai annuwiol a osodasant fagl i mi: ond ni chyfeiliornais oddi wrth dy orchymynnion di.

¹¹¹Cymmerais dy orchymynnion yn etifeddiaeth dros byth: o herwydd llawenydd fyng-halon ydynt hwy.

¹¹²Gostyngais fyng-halon i wneuthur dy ddeddfau byth [hyd] y diwedd.

¹¹³Dychymmygion [ofer] a gasêais, a’th gyfraith di a hoffais i.

¹¹⁴Fy lloches a’m tarian ydwyt: wrth dy air y disgwiliais.

¹¹⁵Ciliwch oddi wrthif rai drygionus: canys cadwaf orchymynnion fy Nuw.

¹¹⁶Cynnal fi yn ôl dy air, fel y byddwyf byw: ac na phâr i mi gywilyddio am fyng-obaith.

¹¹⁷Cynnal fi, ac iach fyddaf, ac yn dy ddeddfau yr ymddigrifaf yn wastadol.

¹¹⁸Sethraist y rhai oll a gyrwydrent oddi wrth dy ddeddfau: canys ofer [oedd] eu dichell hwynt.

¹¹⁹Gwnaethost i holl annuwolion y tîr ddarfod [fel] sothach: am hynny ’r hoffais dy destiolaethau.

¹²⁰Dychrynnodd fyng-nhawd rhag dy ofn, ac ofnais rhag dy farnedigaethau.

¹²¹Gwneuthum farn, a chyfiawnder: na ad fi i’m gorthrym-wŷr.

¹²²Pâr i’th wâs roddi ei fryd ar ddaioni: [ac] na âd i’r beilchion fyng-orthrymmu.

¹²³Fy llygaid a ballasant [yn edrych] am dy iechydwriaeth, ac am dy ymadrodd cyfiawn.

¹²⁴Gwna i’th wâs yn ôl dy drugaredd: a dysc i mi dy ddeddfau.

¹²⁵Dy wâs ydwyfi, pâr i mi ddeall: fel yr adwaenwyf dy destiolaethau.

¹²⁶Amser [yw] i’r Arglwydd wneuthur [barn:] torrasant dy gyfraith di.

¹²⁷Am hynny ’r hoffais dy orchymynnion yn fwy nag aur, îe nag aur coeth.

¹²⁸Am hynny y cyfrifais yn iniawn [dy] orchymynnion eu gyd oll: [ac] y caseais bob gau lwybr.

¹²⁹Rhyfedd yw dy destiolaethau, am hynny y cadwodd fy enaid hwynt.

¹³⁰Agoriad dy air a rydd oleuni, gan beri deall i rai annichellgar.

¹³¹Agorais fyng-enau a dyheais, o blegit awyddus oeddwn i’th orchymynnion di.

¹³²Edrych arnaf a thrugarhâ-wrthif yn ôl [dy] arfer i’r rhai a garant dy enw.

¹³³Cyfarwydda fyng-hamrau wrth dy air, ac na lywodraethed dim anwiredd arnaf.

¹³⁴Gwaret fi oddi wrth drawsedd dynnion: felly y cadwaf dy orchymynnion.

¹³⁵Llewyrcha dy wyneb ar dy wâs, a dysc i mi dy ddeddfau.

¹³⁶Afonydd o ddyfroedd a ddescynnasant o’m llygaid, am na chadwasant dy gyfraith di.

¹³⁷Cyfiawn [ydwyt] ti ô Arglwydd, ac iniawn yw dy farnedigaethau.

¹³⁸Gorchymynnaist gyfiawnder [yn] dy destiolaethau: a gwirionedd yn ddirfawr.

¹³⁹Fy Zêl a’m difaodd o herwydd i’m gelynnion anghofio dy eiriau di.

¹⁴⁰Purwyd dy ymadrodd yn ddirfawr: a’th wâs ai hoffodd hwynt.

¹⁴¹Bychan [ydwyfi,] a dirmygus, [ond] nid anghofiais dy orchymynnion.

¹⁴²Dy gyfiawnder [sydd] gyfiawnder byth: a’th gyfraith [sydd] wirionedd.

¹⁴³Adfyd a chystudd a’m goddiweddasant: a’th orchymynnion [oeddynt] fy nigrifwch.

¹⁴⁴Cyfiawnder dy destiolaethau [a beru] yn dragywydd: gwna i mi ddeall, a byw fyddaf.

¹⁴⁵[51]Llefais a’m holl galon, clyw fi ô Arglwydd, dy ddeddfau di a gadwaf.

¹⁴⁶Llefais arnat, achub fi: a chadwaf dy destiolaethau.

¹⁴⁷Achubais flaen y cyfddydd, a gwaeddais, wrth dy air y disgwiliais.

¹⁴⁸Fy llygaid a achubasant flaen gwiliadwriaethau y [nos] i fyfyrio yn dy air di.

¹⁴⁹Clyw fy llef yn ôl dy drugaredd, Arglwydd bywhâ fi yn ôl dy farnedigaethau.

¹⁵⁰Y rhai a ddilynant scelerder a nessasant [arnaf:] ac a ymbellhasant oddi wrth dy gyfraith di.

¹⁵¹Tithe Arglwydd [bydd] agos: canys dy holl orchymynnion [ydynt] wirionedd.

¹⁵²Er ystalm y gwyddwn am dy destiolaethau, selio o honot hwynt yn dragywydd.

¹⁵³Gwêl fyng-hystudd, a gwaret fi, canys nid anghofiais dy air di.

¹⁵⁴Dadle fy nadl, a rhyddhâ fi: bywhâ fi o herwydd dy air.

¹⁵⁵Pell [yw] iechydwriaeth oddi wrth y rhai annuwiol: o herwydd na cheisiasant dy ddeddfau di.

¹⁵⁶Dy drugareddau Arglwydd [ydynt] aml: bywhâ fi yn ôl dy farnedigaethau.

¹⁵⁷Llawer sydd yn fy erlid, ac yn fyng-wrthwynebu: [er hynny] ni throais oddi wrth dy destiolaethau.

¹⁵⁸Gwelais y trosedd-wŷr, a gressynnais am na chadwent dy air di.

¹⁵⁹Gwêl hoffi o honof dy orchymynnion di: Arglwydd bywhâ fi’n ôl dy drugaredd.

¹⁶⁰Gwirionedd [yw] dechreuad dy air: a’th holl gyfiawn farn [a beru] yn dragywydd.

¹⁶¹Tywysogion a’m herlidiasant heb achos, er hynny fyng-halon a gryne rhag dy air di.

¹⁶²Llawen ydwyf fi o blegit dy air, fel [vn] yn cael sclyfaeth lawer.

¹⁶³Celwydd a gaseais, ac a ffieiddiais: a’th gyfraith di a hoffais.

¹⁶⁴Seith-waith yn y dydd yr ydwyf yn dy glodfori: o herwydd dy gyfiawn farnedigaethau.

¹⁶⁵Heddwch mawr [fydd] i’r rhai a garant dy gyfraith: ac nid [oes] dramgwydd iddynt.

¹⁶⁶Disgwiliais wrth dy iechydwriaeth di ô Arglwydd: a gwneuthum dy orchymynnion.

¹⁶⁷Fy enaid a gadwodd dy destiolaethau: a hoff iawn gennif hwynt.

¹⁶⁸Cedwais dy orchymynnion a’th destiolaethau: am [fod] fy holl ffyrdd ger dy fron di.

¹⁶⁹Nessaed fyng-waedd o’th flaen Arglwydd: gwna i mi ddeall yn ôl dy air.

¹⁷⁰Deued fyng-weddi ger dy fron: gwaret fi yn ôl dy ymadrodd.

¹⁷¹Fyng-wefusau a draethant [dy] foliant: pan ddyscech i mi dy ddeddfau.

¹⁷²Fy nhafod a ddatcan dy air: o herwydd dy holl orchymynnion [ydynt] gyfiawnder.

¹⁷³Bydded dy law i’m cynnorthwyo: o herwydd dy orchymynnion di a ddewisais.

¹⁷⁴Awyddus ydwyf ô Arglwydd i’th iechydwriaeth: a’th gyfraith [yw] fy hyfrydwch.

¹⁷⁵Bydded byw fy enaid fel i’th folianno di: a chynnorthwyed dy farnedigaethau fi.

¹⁷⁶Cyfeiliornais fel oen wedi colli: cais dŷ wâs, o blegit nid anghofiais dy orchymynnion.