Read William Morgan Bible 1588 original edition Psalmau 132 Bible Online

Psalmau 132 - William Morgan Bible 1588 original edition bible

Psalmau 132

¹Caniad y graddau. [54]O Arglwydd cofia Ddafydd ai holl flinder.

²Y modd y tyngodd efe wrth yr Arglwydd, [ac] yr addunodd i rymmus [Dduw] Iacob, [gan ddywedyd:]

³Nid âf i fewn pabell fy nhŷ, ni ddringaf ar erchwyn fyng-wely,

⁴Ni roddaf gwsc i’m llygaid, na hun i’m amrantau:

⁵Hyd oni chaffwyf le i’r Arglwydd: [sef] presswylfod i rymmus [Dduw] Iacob.

⁶Wele clywsom am dani yn Effrata: cawsom hi ym meusydd y coed.

⁷Awn iw bebyll ef, ymgrymmwn o flaen ei faingc draed ef.

⁸Cyfot Arglwydd i’th orphywysfa, ti ag Arch dy gadernid.

⁹Gwisced dy offeiriaid gyfiawnder: a gorfoledded dy sainct.

¹⁰Er mwyn Dafydd dy wâs na wrthot wyneb dy eneiniog.

¹¹Tyngodd yr Arglwydd wirionedd i Ddafydd, ni thrŷ efe oddi wrth hynny: o ffrwyth dy groth y gosodaf ar dy orsedd-faingc.

¹²Os ceidw dy feibion fyng-hyfammod a’m testiolaeth: eu meibion hwythau yn dragywydd a eisteddant ar dy orsedd-faingc.

¹³Canys dewisodd yr Arglwydd Sion, [ac ai] dymunodd yn drigfa iddo ei hun [gan ddywedyd,]

¹⁴Dymma fyng-orphywysfa yn dragywydd: ymma y trigaf canys chwennychais hi.

¹⁵Gan fendithio y bendithiaf ei llynniaeth, [ac] mi a ddiwallaf ei thlodion â bara.

¹⁶Ei hoffeiriaid hefyd a wiscaf ag iechydwriaeth: ai sainct dann ganu a ganant.

¹⁷Yna y paraf i gorn Dafydd flaguro: [canys] darparais lusern i’m heneiniog.

¹⁸Ei elynnion ef a wiscasi â chywilydd, arno yntef y blodeua ei goron.