Read William Morgan Bible 1588 original edition Psalmau 135 Bible Online

Psalmau 135 - William Morgan Bible 1588 original edition bible

Psalmau 135

¹Molwch yr Arglwydd. Molwch enw’r Arglwydd gweision yr Arglwydd molwch [ef.]

²Y rhai ydych yn sefyll yn nhŷ’r Arglwydd yng-hynteddoedd tŷ ein Duw ni.

³Molwch yr Arglwydd canys da [yw]’r Arglwydd: cenwch iw enw canys hyfryd yw.

⁴O blegit yr Arglwydd a ddetholodd Iacob, [ac] Israel yn bobl vnic iddo ef.

⁵Canys mi a wn mai mawr yw’r Arglwydd, a [bod] ein Harglwydd ni goruwch yr holl dduwiau.

⁶Yr Arglwydd a wnaeth yr hyn oll a fynne yn y nefoedd, ac yn y ddaiar, yn y môr, ac yn yr holl ddyfndêrau.

⁷Y mae yn codi mwgdarth o eithafoedd y ddaiar, mellt a wnaeth efe yng-hyd a’r glaw: gan ddwyn y gwynt allan oi dryssorau.

⁸Yr hwn a darawodd gyntaf-anedic yr Aipht, yn ddŷn ac yn anifail.

⁹Danfonodd arwyddion a rhyfeddodau i’th ganol di’r Aipht, ar Pharao, ac ar ei holl weision.

¹⁰Yr hwn a darawodd genhedloedd lawer, ac a laddodd frenhinoedd cryfion:

¹¹Sehon brenin yr Amoriaid: ac Og brenin Basan: a holl frenhiniaethau Canaan.

¹²Ac a roddodd eu tîr hwynt yn etifeddiaeth, [sef] yn etifeddiaeth i Israel ei bobl.

¹³Dy enw ô Arglwydd [a beru] yn dragywydd: dy goffadwriaeth ô Arglwydd [a fydd] o genhedlaeth i genhedlaeth.

¹⁴Canys yr Arglwydd a farna ei bobl, ac a dosturia wrth ei weision.

¹⁵Delwau y cenhedloedd [ydynt] arian ac aur, gwaith dwylo dŷn.

¹⁶Genau [sydd] iddynt, ond ni lefarant: llygaid [sydd] ganddynt, ac ni welant.

¹⁷[Y mae] clustiau iddynt, ac ni chlywant: nid oes ychwaith anadl yn eu genau.

¹⁸Fel hwynt y mae y rhai ai gwnelont, a phob vn a ymddyriedo ynddynt.

¹⁹Tŷ Israel bendithiwch yr Arglwydd: bendithiwch yr Arglwydd tŷ Aaron.

²⁰Tŷ Lefi bendithiwch yr Arglwydd: y rhai a ofnwch yr Arglwydd bendithiwch yr Arglwydd.

²¹Bendithier yr Arglwydd o Sion, yr hwn sydd yn trigo yn Ierusalem. Molwch yr Arglwydd.