Read William Morgan Bible 1588 original edition Psalmau 139 Bible Online

Psalmau 139 - William Morgan Bible 1588 original edition bible

Psalmau 139

¹At y pen-cerdd Psalm Dafydd. [56]Arglwydd chwiliaist, ac adnabuost fi.

²Ti a adwaenost fy eisteddiad a’m cyfodiad: dealli fy meddwl ym mhell o’r blaen.

³Amgylchynaist fy llwybr a’m gorweddfa: ac yspys wyt yn fy holl ffyrdd.

⁴Canys nid [oes] air ar fy nhafod, ond wele Arglwydd ti ai gŵyddost oll.

⁵Llyniaist fi yn ôl, ac ym mlaen: a gosodaist dy law arnaf.

⁶[Dymma] ŵybodaeth ry ddirgel i mi: vchel yw, ni fedraf oddi wrthi.

⁷I ba le’r âf oddi wrth dy yspryd? ac i ba le y ffoaf o’th ŵydd?

⁸Os dringaf i’r nefoedd yno y [byddi] di: os gorweddaf yn vffern wele di [yno].

⁹Yno pe cymmerwn adenydd y wawr [a phe trigwn yn eithafoedd y môr:

¹⁰Yna hefyd i’m tywyse dy law, ac i’m cynhalie dy ddeheu-law.

¹¹Pe dywedwn, etto tywyllwch a’m cuddia: yna [y bydde] y nos yn oleuni o’m hamgylch.

¹²Ni thywylla y tywyllwch rhagot ti, ond y nôs a oleua fel dydd: vn ffunyd [fydd] tywyllwch a goleuni [i ti.]

¹³Canys ti a feddiannaist fy arennau, toaist fi yng-hroth fy mam.

¹⁴Clodforaf dydi canys ofnadwy, a rhyfedd i’m gwnaed: rhyfedd [yw] dy weithredoedd, a’m henaid a ŵyr [hynny] yn dda.

¹⁵Ni chuddiwyd fy escyrn oddi wrthit, er fyng-wneuthur yn ddirgel, a’m llunio yn isselder yn ddaiar.

¹⁶Dy lygaid a welsant fy annelwig ddefnydd, ac yn dy lyfr di yr scrifennwyd hwynt oll y dydd y lluniwyd hwynt, pan nad oedd yr vn o honynt.

¹⁷Am hynny mor werth-fawr yw dy gynghorau gennif ô Dduw? mor fawr yw eu swm hwynt?

¹⁸[Pe] cyfrifwn hwynt, amlach fyddent na’r tywod: [pan] ddeffroiwyf, gyd â thi’r [ydwyfi] yn wastad.

¹⁹O Dduw na leddit yr annuwiol, a’r gwŷr gwaedlyd, [wrth y rhai y dywedais] ciliwch oddi wrthif.

²⁰Y rhai a ddywedant scelerder am danat, dy elynnion a gymmerasant [dy enw] yn ofer.

²¹Onid câs gennif ô Arglwydd dy gaseion di? a ffiaidd gennif y rhai a gyfodant i’th erbyn?

²²A châs cyflawn y caseais hwynt: [fel pe] byddent i mi yn elynnion.

²³Chwilia fi ô Dduw, a gŵybydd fyng-halon: prawf fi, a gŵybydd fy meddyliau.

²⁴A gwêl, a oes ffordd annuwiol gennif: a thywys fi yn ffordd tragywyddoldeb.