Read William Morgan Bible 1588 original edition Psalmau 143 Bible Online

Psalmau 143 - William Morgan Bible 1588 original edition bible

Psalmau 143

¹Psalm Dafydd. Arglwydd clyw fyng-weddi, a gwrando ar fy neisyfiad: erglyw fi yn dy wirionedd, a’th gyfiawnder.

²Ac na ddos i gyfraith a’th wâs, o herwydd ni chyfiawnheuir neb byw yn dy fron di.

³Canys y gelyn a erlidiodd fy enaid, curodd efe fy enaid i lawr, a gwnaeth i mi drigo mewn tywyllwch, fel y rhai a fuasent feirw er ystalm.

⁴Yna’r ymofidiodd fy yspryd o’m mewn: [ac] y synnodd fyng-halon ynof.

⁵Cofiais [er hynny] y dyddiau gynt, myfyriais ar dy holl waith: ac yng-weithredoedd dy ddwylo y myfyriaf.

⁶Lledais fy nwylaw attat: fy enaid fel tir sychedic [sydd yn hiraethu] am danat.

⁷Oh Arglwydd gwrando fi yn ebrwydd: pallodd fy yspryd, na chuddia dy wyneb oddi wrthif, rhag fy mod yn gyffelyb i’r rhai a ddescynnant i’r pwll.

⁸Pâr i mi glywed dy drugaredd yn foreu: o herwydd ynot ti y gobeithiais, pâr di i mi ŵybod pa ffordd y rhodiaf, o blegit attat ti y derchafais fy enaid.

⁹Gwaret fi oddi wrth fyng-elynnion ô Arglwydd: [canys] gyd â thi’r ymguddiais.

¹⁰Dysc i mi wneuthur dy ewyllys di: canys ti [ydwyt] fy Nuw: tywysed dy Yspryd daionus fi i dir yr iniondeb.

¹¹Bywhâ fi ô Arglwydd er mwyn dy enw, dwg fy enaid allan o ing er mwyn dy gyfiawnder.

¹²Ac er dy drugaredd dinistria fyng-elynnion, a difetha holl wrthwyneb-wŷr fy enaid: o blegit dy wâs di ydwyfi.