Read William Morgan Bible 1588 original edition Psalmau 144 Bible Online

Psalmau 144 - William Morgan Bible 1588 original edition bible

Psalmau 144

¹Psalm Dafydd. [58]Bendigedic [fyddo]’r Arglwydd fy nerth, yr hwn sydd yn dyscu fy nwylo i ymladd, a’m byssedd i ryfela.

²Fy nhrugaredd a’m hamddeffynfa, fy nhŵr, a’m gwaredudd, fy amddeffynnud [yw efe,] ac ynddo y gobeithiais: yr hwn sydd yn darostwng fy mhobl tanaf.

³Arglwydd beth [yw] dŷn, pan gydnabyddit ef? [neu] fab dŷn pan wnaeit gyfrif o honaw?

⁴Dyn sydd debyg i wagedd, fel cyscod y mae ei ddyddiau yn myned heibio.

⁵Arglwydd gostwng dy nefoedd a descyn, cyffwrdd a’r mynyddoedd a mygant.

⁶Gwna fellt, a gwascar hwynt, gyrr dy saethau a difa hwynt.

⁷Anfon dy law oddi vchod, achub, a gwaret fi o ddyfroedd mawrion, [sef] o law plant estron.

⁸Y rhai y llefarodd eu genau wagedd, ac [y mae] eu deheu-law yn ddeheu-law ffalster.

⁹Canaf i ti ô Dduw ganiad newydd, ar y nabl, [a’r] dectant y canaf i ti.

¹⁰Efe sydd yn rhoddi iechydwriaeth i frenhinoedd, ac yn gwaredu Dafydd ei wâs oddi wrth gleddyf niweidiol.

¹¹Achub fi, a gwaret fi o law meibion estron, y rhai y llefarodd eu genau am wagedd, ac y mae eu deheu-law yn ddeheu-law ffalster.

¹²Fel [y byddo] ein meibion fel plan-wŷdd yn tyfu oi hieuengctid, a’n merched fel conglfaen nadd yn adailadaeth teml.

¹³[Fel y byddo] ein conglau yn llawn [ac] yn aml o amryw bethau, a’n defaid yn dwyn miloedd, a myrddiwn yn ein heolydd.

¹⁴A’n hŷchen yn gryfion i lafurio, heb na rhuthro i mewn na myned allan, na gwaedd yn ein heolydd.

¹⁵Gwyn ei fyd y bobl [y mae] felly iddynt, gwyn ei fyd y bobl y [mae]’r Arglwydd yn Dduw iddynt.