Read William Morgan Bible 1588 original edition Psalmau 146 Bible Online

Psalmau 146 - William Morgan Bible 1588 original edition bible

Psalmau 146

¹Molwch yr Arglwydd. Fy enaid mola di’r Arglwydd.

²Molaf yr Arglwydd yn fy myw: canaf i’m Duw tra fyddwyf.

³Na hyderwch ar dywysogion [nac] ar fab dyn, yr hwn nid [oes] iechydwriaeth ganddo.

⁴Ei anadl a aiff allan, efe a ddychwel iw ddaiar: y dydd hwnnw y derfydd am ei [holl] amcannion ef.

⁵Gwyn ei fyd yr hwn [y mae] Duw Iacob yn gymmorth iddo: [ac y sydd] ai obaith yn yr Arglwydd ei Dduw.

⁶Yr hwn a wnaeth nefoedd, a daiar, y môr a’r hyn oll [sydd] ynddynt: yr hwn sydd yn cadw [ei] wirionedd yn dragywydd.

⁷Yr hwn sydd yn gwneuthur barn i’r rhai gorthrymmedic, [ac] yn rhoddi bara i’r newynoc: yr Arglwydd sydd yn gollwng carcharorion yn rhydd.

⁸Yr Arglwydd sydd yn agoryd [llygaid] y deillion, yr Arglwydd sydd yn codi y rhai a ddarostyngwyd: yr Arglwydd sydd yn hoffi y rhai cyfiawn.

⁹Yr Arglwydd sydd yn cadw y dieithriaid, efe a gynnal yr ymddifad a’r weddw: ac a ddryssa ffordd y rhai annuwiol.

¹⁰Yr Arglwydd a deyrnasa byth: dy Dduw di Sion [fydd] dros genhedlaeth a chenhedlaeth. Molwch yr Arglwydd.