Read William Morgan Bible 1588 original edition Psalmau 147 Bible Online

Psalmau 147 - William Morgan Bible 1588 original edition bible

Psalmau 147

¹[59]Molwch yr Arglwydd, canys da [yw] canu i’n Duw ni: o herwydd hyfryd yw, [îe] prydferth yw mawl.

²Yr Arglwydd sydd yn adailadu Ierusalem, efe a gascl wascaredigion Israel.

³Yr hwn sydd yn iachau y rhai briwedic o galon, ac yn rhwymo eu doluriau.

⁴Y mae efe yn rhifo rhifedi y sêr, geilw hwynt oll wrth eu henwau.

⁵Mawr [yw] ein Harglwydd, ac aml ei nerth, anneirif [yw] ei ddoethineb.

⁶Yr Arglwydd sydd yn cynnal trueniaid, gan ostwng y rhai annuwiol hyd lawr.

⁷Cenwch i’r Arglwydd mewn clodforedd: cenwch i’n Duw a’r delyn.

⁸Yr hwn sydd yn toi y nefoedd â chwmylau: [ac] yn paratoi glaw i’r ddaiar: gan beri i’r gwellt dyfu ar y mynyddoedd [a llysiau i wasanaeth dŷn.]

⁹Yr hwn sydd yn rhoddi i’r anifail ei borthiant: [ac] i gywion y gig-fran pan lefant.

¹⁰Nid oes ewyllys ganddo yn nerth march: ac nid ymhoffa efe yn ysceiriau gŵr.

¹¹Yr Arglwydd sydd yn hoffi y rhai ai hofnant ef: [sef] y rhai a ddisgwiliant wrth ei drugaredd ef.

¹²Ierusalem mola di’r Arglwydd, Sion sainct, molianna dy Dduw.

¹³O herwydd efe a gadarnhaodd farrau dy byrth, ac a fendithiodd dy blant o’th fewn.

¹⁴Yr hwn sydd yn gosod dy fro yn heddychol, [ac] a’th ddiwalla di â braster gwenith.

¹⁵Yr hwn sydd yn anfon ei orchymyn [ar] y ddaiar: ai air a rêd yn dra buan.

¹⁶Yr hwn sydd yn roddi eira fel gwlân: [ac] a dâna rew fel lludw.

¹⁷Yr hwn sydd yn bwrw iâ fel tammeidiau, pwy â erys gan ei oerni ef?

¹⁸Efe a enfyn ei air, ac ai tawdd hwynt, ai wynt y chwyth efe, a’r dyfroedd a lifant.

¹⁹Y mae efe yn mynegu ei eiriau i Iacob, ei ddeddfau ai farnedigaethau i Israel.

²⁰Ni wnaeth efe felly ag vn genedl: ac nid adnabuant farnedigaethau[’r Arglwydd.] Molwch yr Arglwydd.