Read William Morgan Bible 1588 original edition Psalmau 148 Bible Online

Psalmau 148 - William Morgan Bible 1588 original edition bible

Psalmau 148

¹Molwch yr Arglwydd. Molwch yr Arglwydd o’r nefoedd: molwch ef yn yr vchelder.

²Molwch ef ei holl angelion ef: molwch ef ei holl luoedd.

³Molwch ef haul a lleuad: molwch ef yr holl sêr [a] goleuni.

⁴Molwch ef nef y nefoedd: a’r dyfroedd y rhai [ydych] oddi ar y nefoedd.

⁵Molant enw’r Arglwydd: o herwydd [efe a ddywedodd y gair, a hwynt a wnaed,] efe a orchymynnodd, a hwynt a greuwyd.

⁶A gwnaeth iddynt barhau byth yn dragywydd: gosododd ddeddf, ac nis trosseddir hi.

⁷Molwch yr Arglwydd a’r y ddaiar, y dreigiau a’r holl ddyfnderau.

⁸Tân a chenllysc, eira, a tharth: [a] gwynt ystormus yn gwneuthur ei air ef.

⁹Y mynyddoedd a’r brynnau oll, y coed ffrwythlawn a’r holl cedr-wŷdd.

¹⁰Y bwyst-filod a phob anifail: yr ymlusciaid, ac adar ascelloc.

¹¹Brenhinoedd y ddaiar a’r holl bobloedd, tywysogion a holl farnwŷr y byd.

¹²Gwŷr ieuaingc a gweryfon hefyd: henaf-gwŷr a llangciau:

¹³Molant enw’r Arglwydd: o herwydd ei enw ef yn vnic sydd dderchafadwy: ei ardderchawgrwydd ef [sydd] vwchlaw daiar a nefoedd.

¹⁴Ac efe sydd yn derchafu corn ei bobl, yn foliant i’w holl sainct [sef] i feibion Israel pobl agos iddo. Molwch yr Arglwydd.