Read William Morgan Bible 1588 original edition Psalmau 17 Bible Online

Psalmau 17 - William Morgan Bible 1588 original edition bible

Psalmau 17

¹Exaudi Domine iustitiam.Gweddi Dafydd. Clyw Arglwydd gyfiawnder: ystyria fy llefain, gwrando fyng-weddi o wefusau didwyll.

²Deued fy marn oddi ger dy fron, edryched dy lygaid ar iniondeb.

³Profaist fyng-halon, gofwyaist [fi] y nôs, chwiliaist fi, ni chefaist [ynof anwiredd] bwriêdais na throsedde fyng-enau.

⁴Tu ag at am weithredoedd dynnion, wrth eiriau dy wefusau yr ymgedwais [o] lwybrau yr speiludd.

⁵Cynnal fyng-herddediad yn dy lwybrau [fel] na lithro fy nhraed.

⁶Mi a elwais arnat, canys gwrandewi arnafi ô Dduw: gostwng dy glust attaf, ac erglyw fy ymadrodd.

⁷Dangos dy ryfedd drugarêddau, ô achubudd y rhai a ymddyriedant [ynot,] rhag y sawl a ymgyfodant yn erbyn dy ddeheu-law.

⁸Cadw fi fel cannwyll llygad: cudd di fi dann gyscod dy adenydd,

⁹Rhag yr annuwolion y rhai a’m gorthrymment: [rhag] fyng-elynnion [y rhai] am [yr] enaid a amgylchant i’m herbyn.

¹⁰Caeâsant gan frasder, ai genau a lefarant mewn balchder.

¹¹Ein cynniweirfa ni a gylchynâsant hwy yr awr hon, gossodâsant eu llygaid i dynnu i’r ddaiar.

¹²Eu dull [sydd] fel llew [yr hwn] a chwennyche sclyfaethu, ac megis llew ieuangc yn aros mewn lloches.

¹³Cyfot Arglwydd, achub flaen iddo, [a] chwympa ef: gwaret fy enaid rhag yr annuwiol [yr hwn yw] dy gleddyf di.

¹⁴Oh Arglwydd [gwaret] fi oddi wrth ddynnion dy law [sef] oddi wrth ddynnion y bŷd, [y rhai] y mae eu rhann yn y bywyd [ymma,] ac yn llenwi eu boliau a’th guddiedic dryssor: llawn ydynt o feibion, a gadawant eu gweddill iw rhai bychain.

¹⁵Myfi a edrychaf ar dy wyneb mewn cyfiawnder: pan ddihunwyf, digonir fi gan dy ddelw.