Read William Morgan Bible 1588 original edition Psalmau 18 Bible Online

Psalmau 18 - William Morgan Bible 1588 original edition bible

Psalmau 18

¹Diligam te Domine. At y pen-cerdd Psalm Dafydd gwâs yr Arglwydd, yr hwn a lefarodd wrth yr Arglwydd eiriau y gân hon yn y dydd y gwaredodd yr Arglwydd ef o law ei holl elynnion, ac o law Saul: ac efe a ddywedodd, [6]Caraf di, Arglwydd fyng-hadernid.

²Yr Arglwydd yw fyng-hraig, a’m hamddeffynfa, a’m gwaredudd, fy Nuw fyng-hadernid, ynddo ef yr ymddyriedaf: fy nharian, a chorn fy iechydwriaeth, a’m noddfa.

³Galwaf ar yr Arglwydd canmoladwy: felly i’m cedwir rhag fyng-elynnion.

⁴Gofidion angau a’m cylchynâsant: ac afonydd y fall a’m dychrynnâsant i.

⁵Gofidion vffern a’m gogylchynâsant: maglau angeu a achubasant fy mlaen.

⁶Yn fyng-hyfyngder y gelwais ar yr Arglwydd, ac y gwaeddais ar fy Nuw: efe a glybu fy llef oi Deml, a’m gwaedd ger ei fron ef a ddaeth iw glustiau ef.

⁷Yna y cynhyrfodd, ac y crynodd y ddaiar, a seiliau y mynyddoedd a gyffroâsant: ac a ymsiglâsant, am iddo ef ddigio.

⁸Derchafodd mŵg oi ffroenau, a thân a yssodd oi enau ef: glô a enynnâsant ganddo ef.

⁹Efe hefyd a ostyngodd y nefoedd, ac a ddescynnodd: a thywyllwch [oedd] tann ei draed ef.

¹⁰Marchogodd efe hefyd ar y Cerub, ac a ehedodd: îe efe a ehedodd ar adenydd y gwynt.

¹¹Efe a osododd y tywyllwch yn ddirgelfa iddo ef, [ai] babell oi amgylch: [sef] tywyllwch y dyfroedd, [a] chwmylau yr awyr.

¹²Gan y discleirdeb [yr hwn sydd] ger ei fron ef, cwmylau a aethant heibio: cenllysc a marwor tanllyd.

¹³Yr Arglwydd hefyd a darânodd yn y nefoedd: a’r Goruchaf a roddes ei lef: cenllysc a marwor tanllyd.

¹⁴Anfonodd hefyd ei saethau, a gwascârodd hwynt: amlhâodd hefyd [ei] fellt, a dinistriodd hwynt.

¹⁵Gwaelodion y dyfroedd a welwyd, a seiliau y bŷd a ddinoethwyd gan dy gerydd di ô Arglwydd, [a] chan chwythad anadl dy ffroenau di.

¹⁶Anfonodd oddi vchod, cymmerodd fi, [a] thynnodd fi o ddyfroedd lawer.

¹⁷Efe a’m gwaredodd oddi wrth fyng-elyn cadarn, a rhag fyng-haseion: canys y maent yn drech nâ mi.

¹⁸Achubâsant fy mlaen yn nydd fyng-ofid: ond yr Arglwydd oedd gynhaliad i mi.

¹⁹Dûg fi i ehangder, gwaredodd fi: canys ymhoffodd ynof.

²⁰Yr Arglwydd a’m gobrwya yn ôl fyng-hyfiawnder: yn ôl glendid fy nwylo y tâl efe:

²¹Canys cedwais ffyrdd yr Arglwydd: ac ni wneuthum yn annuwiol yn erbyn fy Nuw.

²²O herwydd ei holl farnedigaethau ef [ydynt] ger fy mron i: ai ddeddfau ni fwriais oddi wrthif.

²³Bum hefyd yn berffaith gyd ag ef: ac ymgedwais rhag fy anwiredd.

²⁴A’r Arglwydd a’m gobrwyodd yn ôl fyng-hyfiawnder: [ac] yn ôl purdeb fy nwylo o flaen ei lygaid ef.

²⁵A’r trugarog y gwnei drugaredd: â’r gŵr perffaith y gwnei berffeithrwydd.

²⁶A’r glân, y gwnei lendid: ac a’r cyndyn yr ymgyndynni.

²⁷Canys ti a warêdi y bobl gystuddiedic: [ac] a ostyngi olygon vchel.

²⁸O herwydd ti a oleui fyng-hannwyll: yr Arglwydd fy Nuw a lewyrcha fy nhywyllwch.

²⁹O blegit ynot ti y rhedaf trwy fyddin: îe yn fy Nuw y llammaf dros fûr.

³⁰Duw [sydd] berffaith ei ffordd, gair yr Arglwydd sydd buredic: tarian yw efe i bawb a ymddyriedant ynddo.

³¹Canys pwy [sydd] Dduw heblaw yr Arglwydd? a phwy [sydd] graig eithr ein Duw ni.

³²Duw a’m gwregyssodd â nerth: ac a roddes fy ffordd yn berffaith.

³³Gosod y mae efe fy nhraed fel [traed] ewigod: ac ar fy vchel-fannau i’m sefydlodd.

³⁴Efe sy yn dyscu fy nwylo i ryfel: fel y dryllid bŵa dûr [yn] fy mreichiau.

³⁵Rhoddaist hefyd i mi darian dy iechydwriaeth, a’th ddeheu-law a’m cynhaliodd: a’th fwynder a’m lluosogodd.

³⁶Ehengaist fyng-herddediad tanaf: fel na lithrodd fy sodlau.

³⁷Erlidiais fyng-elynnion, ac ai goddiweddais: ac ni ddychwelais nes i mi eu difa hwynt.

³⁸Archollais hwy fel na allent sefyll: syrthiasant dann fy nhraed.

³⁹Canys gwregysaist fi â nerth i ryfel: cwympaist tanaf y rhai a ymgododd i’m herbyn.

⁴⁰Rhoddaist hefyd i mi warrau fyng-elynnion: fel y difethwn fyng-haseion.

⁴¹Gwaeddâsant, ac nid [oedd] achubudd: [sef] ar yr Arglwydd, ond nid attebodd efe hwynt.

⁴²Maluriais hwynt hefyd fel llŵch o flaen y gwynt: melais hwynt megis pridd yr heolydd.

⁴³Gwarêdaist fi rhag cynhennau y bobl, gosodaist fi yn ben cenhedloedd: pobl ni’s adnabum a’m gwasanaethent.

⁴⁴Pan glywant, gwrandawant arnaf: meibion dieithr a gymmerant arnynt ymddarostwng i mi.

⁴⁵Meibion dieithr a ballant: ac a ddychrynant oi carchârau.

⁴⁶Byw fyddo’r Arglwydd, a bendithier fyng-hraig: a derchafer Duw fy iechydwriaeth.

⁴⁷Duw sydd yn rhoddi i mi allu ymddial: ac a dywys y bobloedd tanaf fi.

⁴⁸Fyng-waredudd oddi wrth fyng-elynnion [ydwyt:] canys ti a’m derchefaist hefyd oddi wrth y rhai a gyfodent i’m herbyn: achubaist fi rhag y gŵr traws.

⁴⁹Am hynny y moliannaf di ô Arglwydd ym mhlith y cenhedloedd: ac y cânaf i’th enw.

⁵⁰Efe sydd yn mawrhau iechydwriaeth ei frenin, ac yn gwneuthur trugâredd iw eneiniog, i Ddafydd, ac iw hâd ef byth.