Read William Morgan Bible 1588 original edition Psalmau 19 Bible Online

Psalmau 19 - William Morgan Bible 1588 original edition bible

Psalmau 19

¹Coeli enarrant. At y pen-cerdd Psalm Dafydd. [7]Y nefoedd sy yn dadcanu gogoniant Duw: a’r ffurfafen sy yn mynegu gwaith ei ddwy-law ef.

²Dydd i ddydd a draetha ymadrodd: a nôs i nôs a ddengys ŵybodaeth.

³Nid [oes] air nac ymadrodd, [lle] ni chlywyd eu lleferydd hwynt.

⁴I bob tîr yr aeth eu sain hwynt, ai geiriau hyd eithafoedd bŷd: i’r haul y gosododd efe babell ynddynt.

⁵Ac efe fel gŵr priod a ddaw allan oi stafell: ac a ymlawenhâ fel cawr yn rhedeg gyrfa.

⁶O eithaf y nefoedd [y mae] ei fynediad ef allan, ai amgylchiad hyd eu heithafoedd hwynt: ac nid ymgudd [dim] oddi wrth ei wrês ef.

⁷Cyfraith yr Arglwydd [sydd] berffaith yn troi yr enaid: testiolaeth yr Arglwydd [sydd] siccr, ac yn pêri doethineb i’r ehud.

⁸Deddfau yr Arglwydd [ydynt] iniawn yn llawenhaû y galon: gorchymmyn yr Arglwydd [sydd] bûr, [ac] yn goleûo y llygaid.

⁹Ofn yr Arglwydd [sydd] lân, [ac] yn parhau yn dragywydd: barnau’r Arglwydd [ydynt] wirionedd, cyfiawn [ydynt] eu gyd.

¹⁰Mwy dymunol [ynt] nag aur, îe, nag aur coeth lawer: melysach hefyd na’r mêl, ac na diferiad diliau mêl.

¹¹Ynddynt hwy hefyd y dyscir dy wâs: oi cadw [y mae] gobr lawer.

¹²Pwy a ddeall [ei] gamweddau? glanhâ fi oddi wrth fy [meiau] cuddiedic.

¹³Attal hefyd dy wâs oddi wrth bechodau rhyfygus, na arglwyddiaethant arnaf: yna i’m perffeithir, ac i’m glanheir oddi wrth anwiredd lawer.

¹⁴Bydded ymadroddion fyng-enau, a myfyrdod fyng-halon yn gymmeradwy ger dy fron, ô Arglwydd, fyng-hraig, a’m gwaredudd.