Read William Morgan Bible 1588 original edition Psalmau 2 Bible Online

Psalmau 2 - William Morgan Bible 1588 original edition bible

Psalmau 2

¹Quare fremuerunt. Pa ham y terfysca y cenhedloedd? ac y bwriada y bobloedd yn ofer?

²Y mae brenhînoedd y ddaiar yn codi i fynu, a’r penaethiaid yn ymgynghori yng-hyd, yn erbyn yr Arglwydd, ac yn erbyn ei Grist ef.

³Drylliwn eu rhwymau hwy: a thaflwn eu rheffynnau oddi wrthym.

⁴Yr hwn sydd yn presswylio yn y nefoedd a chwardd: yr Arglwydd ai gwatwar hwynt.

⁵Yna y llefara efe wrthynt yn ei lîd, ac yn ei ddigllonrwydd y dychryna efe hwynt.

⁶Minne a ossodais fy Mrenin ar Sion fy mynydd sanctaidd.

⁷Mynegaf y ddeddf [yr hon] a ddywedodd yr Arglwydd wrthif: fy mâb [ydwyt] ti, myfi heddyw a’th genhedlais.

⁸Gofyn i mi, a rhoddaf y cenhedloedd yn etifeddiaeth i ti: a therfynau y ddaiar i’th feddiant.

⁹Briwi hwynt â gwialen haiarn, maluri hwynt fel llestr pridd.

¹⁰Gan hynny’r awr hon, ô frenhinoedd byddwch synhwyrol: barn-wŷr y ddaiar, cymmerwch ddŷsc.

¹¹Gwasanaethwch yr Arglwydd mewn ofn: ac ymlawenhewch mewn dychryn.

¹²Cussênwch y mâb, rhag iddo ddigio, a’ch difetha chwi o’r ffordd, pan gynneuo ei lîd ef ddim: gwyn eu byd pawb a ymddiriedant ynddo ef.