Read William Morgan Bible 1588 original edition Psalmau 21 Bible Online

Psalmau 21 - William Morgan Bible 1588 original edition bible

Psalmau 21

¹Domine in virtute tua. At y pen-cerdd. Psalm Dafydd. Arglwydd yn dy nerth y llawenycha y brenin: ac yn dy iechydwriaeth yr ymhyfryda efe yn dirfawr.

²Deisyfiad ei galon a roddaist iddo: a dymuniad ei wefusau ni’s gommeddaist. Selah .

³Canys achubaist ei flaen ef â bendithion daioni: gosodaist ar ei ben ef goron o aur coeth.

⁴Gofynnodd oes gennit: [a] rhoddaist iddo hir-oes byth ac yn dragywydd.

⁵Mawr [yw] ei ogoniant yn dy iechydwriaeth: gosodi arno ogoniant a phrydferthwch.

⁶Canys gosodi ef yn fendithion tragywyddôl, llawenychi ef â llawenydd dy wyneb.

⁷O herwydd bod y brenin yn ymddyriet yn yr Arglwydd, ac yn-hrugaredd y Goruchaf, ni lithr efe.

⁸Dy law a gaiff allan dy holl elynnion: dy ddeheu-law a gaiff allan dy gaseion.

⁹Gosodi hwynt fel ffwrn danllyd yn amser dy lid: yr Arglwydd yn ei ddigllonedd ai difa hwynt, a’r tân ai hyssa hwynt.

¹⁰Eu ffrwyth hwynt a ddinistri di oddi ar y ddaiar: ai hâd o blith meibion dynnion.

¹¹Canys bwriadasant ddrwg i’th erbyn: meddyliasant amcan heb allu o honynt [ei gwplau.]

¹²Canys gosodi hwy [ar naill] du: yn dy linynnau y paratoi di [saethau] yn erbyn eu hwynebau.

¹³Ymddercha Arglwydd yn dy nerth: canwn, a chan-molwn dy gadernid.