Read William Morgan Bible 1588 original edition Psalmau 24 Bible Online

Psalmau 24 - William Morgan Bible 1588 original edition bible

Psalmau 24

¹Domini est terra, et plenitudo. Psalm Dafydd [9]Eiddo yr Arglwydd y ddaiar, ai chyflawnder: y bŷd, ac a bresswylia ynddo.

²Canys efe ai seiliodd ar y môroedd: ac ai paratôdd ar yr afonydd.

³Pwy a escyn i fynydd yr Arglwydd? a phwy a saif yn ei lê sanctaidd ef?

⁴Y diniwed [ei] ddwylo, a’r glân [ei] galon: yr hwn ni dderchafodd ei feddwl at wagedd, ac ni thyngodd i dwyllo [ei gymmydog.]

⁵Efe a dderbyn fendith gan yr Arglwydd, a chyfiawnder gan Dduw ei iechydwriaeth.

⁶Dymma genhedlaeth y rhai ai ceisiant ef: [sef] y rhai a geisiant dy wyneb di ô Iacob. Selah .

⁷O byrth derchefwch eich pennau, ac ymdderchefwch ddrysau tragywyddol: a brenin y gogoniant a ddaw i mewn.

⁸Pwy yw yr brenin gogoneddus hwnnw? yr Arglwydd nerthol, a chadarn: yr Arglwydd cadarn mewn rhyfel.

⁹O byrth, derchefwch eich pennau, ac ymdderchefwch ddrysau tragywyddol, a brenin y gogoniant a ddaw i mewn.

¹⁰Pwy yw’r brenin gogoneddus hwnnw? Arglwydd y lluoedd, efe [yw] brenin y gogoniant. Selah .