Read William Morgan Bible 1588 original edition Psalmau 25 Bible Online

Psalmau 25 - William Morgan Bible 1588 original edition bible

Psalmau 25

¹Ad te Domine leuaui animam. [Psalm] Dafydd. Attat ti ô Arglwydd y derchafaf fy enaid.

²Fy Nuw, ynot ti’r ymddyriedais, na’m gwradwydder: na lawenyched fyng-elynnion o’m plegit.

³Hefyd pawb a’r a obeithiant ynot ti ni wradwyddir hwynt: gwradwyddir y rhai a drosseddant heb achos.

⁴Pâr di i mi ŵybod dy ffyrdd ô Arglwydd: dysc i mi dy lwybrau.

⁵Tywys fi yn dy wirionedd, a dysc fi: canys ti [yw] Duw fy iechydwriaeth, ynot y gobeithiais ar hŷd y dydd

⁶Cofia Arglwydd dy dosturiaethau, a’th drugareddau: canys er ioed [y maent] hwy.

⁷Na chofia bechodau fy ieuenctid, na’m camweddau: yn ôl dy drugaredd meddwl di am danaf, er mwyn dy ddaioni Arglwydd.

⁸Dâ ac iniawn [yw] yr Arglwydd: o herwydd hynny y dysc efe bechaduriaid yn y ffordd.

⁹Y rhai difalch a hyffordda efe mewn barn: ai ffordd a ddysc efe i’r rhai gostyngedic.

¹⁰Holl lwybrau’r Arglwydd [yddynt] drugaredd, a gwirionedd i’r rhai a gadwant ei gyfammod ai destiolaethau ef.

¹¹Er mwyn dy enw Arglwydd maddeu di fy anwiredd: canys mawr yw.

¹²Pa ŵr yw efe sy’n ofni yr Arglwydd? efe ai dysc ef yn y ffordd a ddewiso.

¹³Ei enaid ef a erys mewn daioni: ai hâd a etifedda y ddaiar.

¹⁴Dirgelrwydd yr Arglwydd [a ddatcuddir] i’r rhai ai hofnant ef: ai gyfammod hefyd iw cyfarwyddo hwynt.

¹⁵Fy llygaid [ydynt] yn wastad ar yr Arglwydd: canys efe a ddŵg fy nhraed allan o’r rhwyd.

¹⁶Trô attaf, a thrugarha di wrthif: canys vnic a thlawd ydwyf.

¹⁷Gofidion fyng-halon a ymehangasant: dwg fi allan o’m cyfyngdêrau.

¹⁸Gwêl fyng-hystudd, a’m helbul: a maddeu di fy holl bechodau.

¹⁹Cenfydd fyng-elynnion, canys amlhausant: â chasineb traws hefyd i’m cassausant.

²⁰Cadw fy enaid, ac achub fi: na’m gwradwydder: canys ymddiriedais ynot.

²¹Cadwed perffeithrwydd, ac iniondeb fi, canys gobeithiais ynot.

²²O Dduw gwaret Israel oi holl gyfyngdêrau.