Read William Morgan Bible 1588 original edition Psalmau 27 Bible Online

Psalmau 27 - William Morgan Bible 1588 original edition bible

Psalmau 27

¹Dominus illuminatio. Psalm Dafydd. [10]Yr Arglwydd [yw] fyng-oleuni, a’m iechydwriaeth, rhag pwy yr ofnaf? yr Arglwydd [yw] nerth fy mywyd, rhag pwy y dychrynaf?

²Pan nessaodd y rhai drygionus, [sef] fyng-wrthwyneb-wŷr a’m gelynnion i’m herbyn i fwytta fyng-hnawd: hwynt a dramgwyddâsant, ac a syrthiâsant.

³Pe gwersylle llu i’m herbyn, nid ofne fyng-halon: pe cyfode câd i’m herbyn, er hyn mi a fyddwn hydêrus.

⁴Un peth a ddeisyfiais i gan yr Arglwydd, hynny a geisiaf, [sef] caffel trigo yn nhŷ’r Arglwydd holl ddyddiau fy mywyd: i edrych ar brydferthwch yr Arglwydd, ac i ymweled ai Deml.

⁵Canys yn y dydd drwg efe a’m cuddia o fewn ei babell: yn nirgelfa ei bresswylfod y cuddia efe fi, ar graig i’m dercha efe fi.

⁶Ac yn awr y dercha efe fy mhen goruwch fyng-elynnion o’m hamgylch: am hynny’r aberthaf yn ei babell ef ebyrth gorfoledd: canaf a chan-molaf yr Arglwydd.

⁷Clyw ô Arglwydd fy lleferydd, trugarhâ hefyd wrthif, a gwrando arnaf [pan] lefwyf [arnat].

⁸Y mae fyng-halon yn ymddiddan â thi [fel hyn,] ceisiwch fy wyneb: dy wyneb a geisiaf ô Arglwydd.

⁹Na chuddia dy wyneb oddi wrthif, na fwrw ymmaith dy wâs mewn sorriant: fyng-hymmorth i fuost: gan hynny na âd fi, ac na wrthot fi ô Dduw fy iechydwriaeth.

¹⁰Er i’m tâd, a’m mam fyng-wrthod: etto yr Arglwydd a’m derbynnie.

¹¹Dysc i mi dy ffordd Arglwydd: ac arwain fi ar hŷd llwybr iniondeb, o herwydd fyng-elynnion.

¹²Na ddyro fi wrth ewyllys fyng-wrthwyneb-wŷr: canys gau dystion, a [rhai] a adroddant drawster a gyfodâsant i’m herbyn.

¹³[Deffygiaswn,] pe na chredaswn weled daioni’r Arglwydd yn nhîr y rhai byw.

¹⁴Disgwil ŵrth yr Arglwydd, ymwrola, ac efe a nertha dy galon: ac ymddyriet yn yr Arglwydd.