Read William Morgan Bible 1588 original edition Psalmau 30 Bible Online

Psalmau 30 - William Morgan Bible 1588 original edition bible

Psalmau 30

¹Exaltabo te Domine. Psalm [neu] gân o gyssegriad ty Dafydd. [11]Mawrygaf di ô Arglwydd, canys derchefaist fi: ac ni lawenhêaist fyng-elynnion o’m plegit.

²Arglwydd fy Nuw, llefais arnat: a thithe a’m hiachêaist.

³Arglwydd derchefaist fy enaid o vffern: cedwaist fi yn fyw, oddi wrth y rhai sy yn descyn i’r pwll.

⁴Cenwch i’r Arglwydd ei sainct ef: a chlodforwch ger bron coffadwriaeth ei sanctaiddrwydd ef.

⁵Canys ennyd fechan y bydd yn ei lid, ac yn ei fodlonrwydd [y mae] bywyd: tros brŷd nawn yr erys ŵylofain, ac erbyn y boreu [y bydd] gorfoledd.

⁶A mi a ddywedais yn fy llwyddiant, ni’m syflir yn dragywydd.

⁷O’th daioni Arglwydd y cyfleaist gryfder yn fy mynydd: cuddiaist dy wyneb, a bum helbulus.

⁸[Yna] arnat ti Arglwydd y llefais: ac a’r Arglwydd yr ymbiliais.

⁹Pa fudd [sydd] yn fyng-waed, pan ddescynnwyf i’r ffôs? a glodfora y llwch di? [neu] a fynêga efe dy wirionedd?

¹⁰Clyw Arglwydd, a thrugarhâ wrthif: Arglwydd bydd gynnorthrwy i mi.

¹¹Troaist fyng-alar yn llawenydd: dattodaist fy sach-wisc a gwregysaist fi â llawenydd.

¹²Am hynny [fy] nhafod a gân i ti, ac ni thau: ô Arglwydd fy Nuw yn dragywyddol i’th glodforaf.