Read William Morgan Bible 1588 original edition Psalmau 31 Bible Online

Psalmau 31 - William Morgan Bible 1588 original edition bible

Psalmau 31

¹In te Domine speraui. Psalm Dafydd at y pen-cerdd. Ynot ti Arglwydd yr ymddyriedais, na’m gwradwydder yn dragywydd: gwaret fi yn dy gyfiawnder.

²Gogwydda dy glust attaf, bryssia i’m gwarêdu: bydd i mi yn graig gadarn, yn dŷ amddeffyn i’m cadw.

³Canys fyng-hraig a’m castell [ydwyt] ti: gan hynny er mwyn dy enw, tywys fi, ac arwain fi.

⁴Dwg fi allan o’r rhwyd yr hon guddiâsant i’m herbyn: canys ti [yw] fy nerth.

⁵I’th law y gorchymynnaf fy yspryd: gwaredaist fi ô Arglwydd Dduw y gwirionedd.

⁶Caseais y rhai sy yn cadw ofer-wagedd: minne hefyd a obeithiaf yn yr Arglwydd.

⁷Ymlawenhaf, ac ymhyfrydaf yn dy drugaredd, yr hwn a welaist fy adfyd: adnabuost fy enaid mewn cyfyngder.

⁸Ac ni warchaeaist fi yn llaw y gelyn, [onid] sefydlaist fy nhraed mewn ehangder.

⁹Trugarhâ wrthif Arglwydd canys cyfyng [yw] arnaf: dadwinodd fy llygaid, fy enaid a’m bol gan gystudd:

¹⁰Canys fy mywyd a ballodd gan ofid, a’m blynyddoedd gan alar: fy nerth a syrthiodd o herwydd fy anwiredd, a’m hescyrn a bydrâsant.

¹¹Yn warthrudd yr ydwyf gan fy holl elynnion, a [hynny] yn ddirfawr gan fyng-hymydogion: ac yn ddychryn i’r rhai a’m hadwaenant, y rhai a’m gwelent allan a gilient oddi wrthif.

¹²Anghofiwyd fi allan o feddwl, fel [un] marw: yr ydwyf fel llestr methedic.

¹³Canys clywais ogan llaweroedd, dychryn [oedd] o bob parth: pan gyd-ymgynghorâsant yn fy erbyn, yr amcanâsant fy nieneidio.

¹⁴Ond mi a obeithiais ynot ti Arglwydd, dywedais, fy Nuw ydwyt.

¹⁵Yn dy law di [y mae] fy amsêrau: gwaret fi oddi wrth law fyng-elynnion, ac oddi wrth fy erlid-wŷr.

¹⁶Llewyrcha dy wyneb ar dy wâs: achub fi yn dy drugaredd.

¹⁷Arglwydd na waradwydder fi, canys gelwais arnat: gwradwydder yr annuwolion, torrer hwynt i’r bedd.

¹⁸Gosteger eu gwefusau celwyddoc, y rhai a ddywedant yn galed drwy falchder, a diystyrwch yn erbyn y cyfiawn.

¹⁹Morr fawr [yw] dy ddaioni yr hwn a roddaist i gadw i’r sawl a’th ofnant, [ac] a wnaethost i’r rhai a ymddyriedant ynot ger bron meibion dynnion.

²⁰Cuddi di hwynt yn ddirgel ger dy fron rhag balchder dynnion: cuddi hwynt mewn pabell rhag cynnen tafôdau.

²¹Bendigêdic fyddo’r Arglwydd, canys dangosodd yn rhyfedd ei garedigrwydd i mi mewn dinas gadarn.

²²A mi a ddywedais yn fy ffrwst, fo’m bwriwyd allan o’th olwg: er hynny ti a wrandewaist lais fyng-weddiau pan lefais arnat.

²³Cerwch yr Arglwydd ei holl sainct ef: yr Arglwydd a geidw [ei] ffyddlonniaid, ac a dâl yn ehelaeth i’r neb a wnant falchder.

²⁴Ymnerthwch oll a’r sydd yn gobeithio yn yr Arglwydd: ac efe a gryfhâ eich calon.