Read William Morgan Bible 1588 original edition Psalmau 32 Bible Online

Psalmau 32 - William Morgan Bible 1588 original edition bible

Psalmau 32

¹Beati quorum. Psalm Dafydd er athrawiaeth. [12]Gwyn ei fyd [y neb] y maddeuwyd ei drossedd: [ac] y cuddiwyd [ei] bechod.

²Gwyn ei fyd y dŷn ni chyfrif yr Arglwydd iddo anwiredd: ac ni [bo] dichell yn ei yspryd.

³Tra y tewais, heneiddiodd fy escyrn gan fy rhuad bob dydd.

⁴Canys trwmhâodd dy law arnaf ddydd a nos: fy irder a droiwyd yn sychter haf. Selah .

⁵Cydnabyddaf fy mhechod [wrthit] a’m hanwiredd ni chuddiais: dywedais, cyffessaf yn fy erbyn fy hun fy anwireddau i’r Arglwydd, a thi a faddeuaist boen fy mhechod. Selah .

⁶Am hynny y gweddia pob duwiol arnat ti yn yr amser i’th geffir: eithr yn llifeiriant dyfroedd mawrion ni chânt nessau atto ef.

⁷Ti [ydwyt] loches i mi: cedwi fi rhag ing: amgylchyni fi â chaniâdau ymwared. Selah .

⁸Cyfarwyddaf di, a dyscaf di yn y ffordd yr elech: a’m llygad arnat [i’th] gynghoraf.

⁹Na fyddwch fel march [neu] fûl heb ddeall [yr hwn y mae rhaid] attal ei ên â genfa, ac â ffrwyn, rhag ei ddinesau attat.

¹⁰Gofidiau lawer [fydd] i’r annuwiol, a’r neb a ymddyriedo yn yr Arglwydd trugaredd ai cylchŷna ef.

¹¹Y rhai cyfiawn byddwch lawen, a hyfryd yn yr Arglwydd: a’r rhai iniawn o galon oll, clodforwch.