Read William Morgan Bible 1588 original edition Psalmau 33 Bible Online

Psalmau 33 - William Morgan Bible 1588 original edition bible

Psalmau 33

¹Exultate iusti in Domino. Ymlawenhewch y rhai cyfiawn yn yr Arglwydd: i’r rhai iniawn gweddus [yw] diolchgarwch.

²Molwch yr Arglwydd ar y delyn: cênwch iddo ar y nabel [ac ar y] dectant.

³Cênwch iddo ganiad newydd: cênwch yn gerddgar, ac yn soniarus.

⁴Canys iniawn [yw] gair yr Arglwydd, ai holl weithredoedd ydynt ffyddlon.

⁵Efe a gâr gyfiawnder, a barn: o drugaredd yr Arglwydd [y mae] y ddaiar yn gyflawn.

⁶Trwy air yr Arglwydd y gwnaethpwyd y nefoedd: ai holl luoedd hwy trwy yspryd ei enau ef.

⁷Casclu y mae efe ddyfroedd y môr yng-hyd, megis yn ben-twrr: gan roddi y dyfnderoedd mewn tryssorau.

⁸Ofned yr holl ddaiar yr Arglwydd: holl drigolion y byd arswydant ef.

⁹Canys efe a ddywedodd, ac [felly] y bu: efe a orchymynnodd, a [hynny] a safodd.

¹⁰Yr Arglwydd sydd yn diddymmu cyngor y cenhedloedd: y mae efe yn diddymmu amcanion pobloedd, [ac yn llysu cyngor tywysogion.]

¹¹Cyngor yr Arglwydd a saif yn dragywydd: [a] meddyliau ei galon o genhedlaeth, i genhedlaeth.

¹²Gwyn ei fyd y genedl yr hon [y mae] yr Arglwydd yn Dduw iddi: a’r bobl a ddetholes efe yn etifeddiaeth iddo ei hun.

¹³Yr Arglwydd sy yn edrych i lawr o’r nefoedd: [ac] yn gweled holl feibion dynnion.

¹⁴O bresswyl ei drigfa yr edrych efe ar holl drigolion y ddaiar.

¹⁵Yr hwn a gyd-lunniodd eu calon hwynt: gan ddeall eu holl weithredoedd.

¹⁶Ni warêdir brenin gan liaws llu: ni ddiangc cadarn drwy amlder cryfder.

¹⁷Palledic [yw]’r march i ymwared: ac nid achub efe neb drwy ei fawr-gryfder.

¹⁸Wele lygad yr Arglwydd ar y rhai ai hofnant ef: [sef] ar y rhai a ymddyriedant yn ei drugaredd ef,

¹⁹Er mwyn gwaredu eu heneidiau rhag angeu: ac iw cadw yn fyw yn [amser] newyn.

²⁰Ein henaid sydd yn disgwil am yr Arglwydd: efe yw ein porth a’n tarian.

²¹Canys ynddo ef y llawenycha ein calon, o herwydd i nî obeithio yn ei enw sanctaidd ef.

²²Bydded dy drugaredd Arglwydd arnom ni, megis yr ymddyiriedom ynot.