Read William Morgan Bible 1588 original edition Psalmau 34 Bible Online

Psalmau 34 - William Morgan Bible 1588 original edition bible

Psalmau 34

¹Benedicam Domino. Psalm Dafydd pan newidiodd efe ei agwedd o flaen Abimelech, yr hwn ai gyrrodd ef i fyned ymmaith. Diolchaf i’r Arglwydd bob amser: ei foliant [fydd] yn fyng-enau yn wastad.

²Yn yr Arglwydd y gorfoledda fy enaid: yr rhai gostyngedic a glywant [hyn,] ac a lawenychant.

³Mawrygwch yr Arglwydd gyd â mi: a chyd-dderchafwn ei enw ef.

⁴Ceisiais yr Arglwydd, ac efe a’m gwrandawodd: gwaredodd fi hefyd o’m holl ofn.

⁵Edrychant arno, a hwynt a eglirir: ai hwynebau ni chywilyddir [eithr dywedant:]

⁶Y tlawd hwn a lefodd, a’r Arglwydd [ai] clybu, ac ai gwaredodd oi holl drallodau.

⁷Angel yr Arglwydd a gastella o amgylch y rhai ai hofnant ef, ac ai gwared hwynt.

⁸Profwch, a gwelwch morr ddâ yw’r Arglwydd: gwyn ei fyd y gŵr a ymddyriedo ynddo.

⁹Ofnwch yr Arglwydd ei sainct ef: canys nid [oes] eisieu ar y rhai ai hofnant ef.

¹⁰Y mae eisiau, a newyn ar y llewod, a’r sawl a geisiant yr Arglwydd, ni bydd arnynt eisieu dim daioni.

¹¹Deuwch feibion, gwrandewch arnaf: dyscaf i chwi ofn yr Arglwydd.

¹²Pwy [yw]’r gŵr a chwennych fywyd, gan garu [hir] ddyddiau i weled daioni?

¹³Cadw dy dafod rhag drwg: a’th wefusau rhag traethu twyll.

¹⁴Ymwrthot a’r drwg, a gwna ddâ: ymgais a thangneddyf, a dilyn hi.

¹⁵Llygaid yr Arglwydd [ydynt] ar y rhai cyfiawn: ai glustiau [ydynt yn agored] iw llefain hwynt.

¹⁶Wyneb yr Arglwydd [sydd] yn erbyn y rhai a wna ddrwg: i dorri eu coffa oddi ar y ddaiar.

¹⁷[Yr rhai cyfiawn] a lefâsant, a’r Arglwydd a glybu, ac ai gwarêdodd oi holl drallodion.

¹⁸Agos [yw’]r Arglwydd at y rhai drylliedic o galon: ac efe a geidw y rhai briwedic o yspryd.

¹⁹Llawer o ddrygau [a gaiff] y cyfiawn: ond yr Arglwydd ai gwared ef oddi wrthynt oll.

²⁰Efe a geidw ei holl escyrn: ni ddryllir vn o honynt.

²¹Drygioni a ladd yr annuwiol: a’r rhai a gasânt y cyfiawn a anrheithir.

²²Yr Arglwydd a warêda eneidiau ei weision: a’r rhai oll a ymddyriedant ynddo ef nid anrheithir hwynt.