Read William Morgan Bible 1588 original edition Psalmau 36 Bible Online

Psalmau 36 - William Morgan Bible 1588 original edition bible

Psalmau 36

¹Dixit iniustus. Psalm Dafydd gwâs yr Arglwydd at y pen-cerdd. Y mae anwiredd yr annuwiol yn dywedyd o fewn fyng-halon, nad [oes] ofn Duw o flaen ei lygaid ef.

²O herwydd ymwenheithio y mae efe iddo ei hun, yn ei olwg ei hunan, nes cael allan ei anwiredd ef [yr hwn sydd] iw gassâu.

³Geiriau ei enau [ydynt] anwiredd, a thwyll: peidiodd a bod yn gall i wneuthur daioni.

⁴Anwiredd a ddychymmyg efe ar ei wely: efe ai gesyd ei hun ar ffordd nid [yw] ddâ: ni wrthyd efe ddrygioni.

⁵Dy drugaredd Arglwydd [sydd] hyd y nefoedd, a’th wirionedd hyd yr wybrennau.

⁶Fel mynyddoedd cedyrn [y mae] dy gyfiawnder, dyfnder mawr [yw] dy farnedigaethau: dŷn, ac anifail a achubi di Arglwydd.

⁷Morr werth-fawr [yw] dy drugaredd ô Dduw, am hynny’r ymddyried meibion dynnion yng-hyscod dy adênydd.

⁸Llenwir hwynt â brasder dy dŷ: ac ag afon dy hyfrydwch y diodi hwynt.

⁹Canys gyd â thi [y mae] ffynnon y bywyd: yn dy oleuni di y gwêlwn oleuni.

¹⁰Estyn dy drugaredd i’r rhai a’th adwaenant, a’th gyfiawnder i’r rhai iniawn o galon.

¹¹Na ddeued troed balchder i’m herbyn: ac na syfled llaw y rhai annuwiol fi.

¹²Yno y syrthiodd gweith-wŷr anwiredd gwthiwyd hwynt i lawr, ac ni allant gyfodi.