Read William Morgan Bible 1588 original edition Psalmau 37 Bible Online

Psalmau 37 - William Morgan Bible 1588 original edition bible

Psalmau 37

¹Noli aemulari. Psalm Dafydd. [14]Nac ymddigia o herwydd yr annuwolion, ac na chenfigenna wrth y rhai a wnant anwiredd.

²Canys yn ebrwydd y torrir hwynt i’r llawr fel glas-wellt, ac y gwywant fel gwyrdd lyssiau.

³Gobeithia yn yr Arglwydd, a gwna ddâ: trig yn y tir, a thi a borthir yn ddiau.

⁴Ymddigrifa hefyd yn yr Arglwydd, ac efe a ddyru i ti ddymuniadau dy galon.

⁵Treigla dy ffordd ar yr Arglwydd, ac ymddyriet ynddo, ac efe a gyflawna [dy ewyllys.]

⁶Efe a ddwg allan dy gyfiawnder fel y goleuni: a’th iniondeb di fel [yr haul] hanner dydd.

⁷Disgwil yn ddistaw wrth yr Arglwydd, ac ymddyriet ynddo: nac ymddigia wrth yr hwn a lwyddo ganddo ei ffordd, nac wrth y gŵr yr hwn sydd yn gwneuthur [ei] amcan.

⁸Paid â digofaint, a gad ymmaith gynddaredd: nac ymofidia chwaith i ddrygu.

⁹Canys torrir ymmaith y drwg-ddynnion, a’r rhai a ddisgwiliant wrth yr Arglwydd, hwyntwy a etifeddant y tir.

¹⁰Am hynny etto ychydigyn, ac ni [welir] yr annuwiol, a thi a edrychi am y lle y bu efe, ac ni [bydd] dim [o] honaw.

¹¹Eithr y rhai gostyngedic a feddant y ddaiar, ac ai diddenir gan liaws tangneddyf.

¹²Yr annuwiol a amcâna yn erbyn y cyfiawn, ac a escyrnyga ei ddannedd arno.

¹³Yr Arglwydd ai gwatwar ef, canys gwelodd fod ei ddydd ar ddyfod.

¹⁴Yr annuwolion a dynnâsant eu cleddyf, ac a annelâsant eu bŵa, i fwrw i lawr y tlawd, a’r anghenog, [ac] i ladd y rhai iniawn [eu] ffordd.

¹⁵[Eithr] eu cleddyf a aiff yn eu calon eu hunain, ai bwâu a ddryllir.

¹⁶Gwell [yw] prinder y cyfiawn, na mawr olud annuwolion cedyrn.

¹⁷Canys breichiau’r annuwolion a ddryllir: a’r Arglwydd a gynnal y rhai cyfiawn.

¹⁸Yr Arglwydd a edwyn ddyddiau y rhai perffaith, ai hetifeddiaeth hwy fydd yn dragywydd.

¹⁹Ni’s gwaradwyddir hwy yn amser y dryg-fyd, ac yn amser newyn y cânt ddigon.

²⁰Eithr collir yr annuwolion, a gelynnion yr Arglwydd fel braster ŵyn a ddiflannant: [sef] gyd a’r mŵg y diflannant.

²¹Yr annuwiol a echŵyna, ac ni thâl adref: a’r cyfiawn sydd drugarog, ac yn rhoddi.

²²Canys y rhai a fendîgo efe a etifeddant y tir: a’r rhai a felldithio efe a dorrir ymmaith.

²³Yr Arglwydd a fforddia gerddediad gŵr: a da fydd ganddo ei ffordd ef.

²⁴Er iddo gwympo, ni fwrir ef ymmaith: canys yr Arglwydd sydd yn [ei] gynnal [ef] ai law.

²⁵Mi a fum ieuangc, ac yr ydwyf yn hên: ac ni welais [er ioed] y cyfiawn wedi ei adu, nai hâd yn cardota [eu] bara.

²⁶Pob amser y mae y cyfiawn yn drugarog, ac yn rhoddi benthyg: ai hâd [a fwynhâ] y fendith.

²⁷Cilia di oddiwrth ddrwg, a gwna ddâ, a chyfannedda yn dragywydd.

²⁸Canys yr Arglwydd a gâr farn, ac ni edu ei sainct: cedwir hwynt yn dragywydd, a hâd yr annuwolion a dorrir ymmaith.

²⁹Y rhai cyfiawn a etifeddant y ddaiar, ac a bresswyliant arni yn dragywydd.

³⁰Genau y cyfiawn a fynêga ddoethineb, ai dafod a draetha farn.

³¹Deddf ei Dduw sydd yn ei galon ef, ai draed ni lithrant.

³²Yr annuwiol a graffa ar y cyfiawn, ac a gais ei ladd ef.

³³Ni ad yr Arglwydd ef yn ei law ef, ac ni âd ef yn euog pan ei barner.

³⁴Gobeithia yn yr Arglwydd, a chadw ei ffordd ef, ac efe a’th dderchafa fel yr etifeddech y tir: gwêli pan ddifether yr annuwolion.

³⁵Gwelais yr annuwiol yn gadarn, ac yn frigoc, fel y lawryf gwyrdd.

³⁶Er hynny efe a aeth ymmaith, ac wele nid [oedd mwy o] honaw: a mi ai ceisiais, [ac] ni cheid ef.

³⁷Ystyr yr hyn sydd berffaith, ac edrych at yr iniawn, canys diwedd y gŵr hwnnw [fydd] tangneddyf.

³⁸Canys y trawsion a gŷd ddestruwir, [a] diwedd yr annuwolion a ddiwreiddir.

³⁹A iechydwriaeth y rhai cyfiawn [fydd] gan yr Arglwydd: efe fydd eu nerth hwynt yn amser trallod.

⁴⁰Canys yr Arglwydd ai cymmorth hwynt, ac ai gwared, efe ai gwared hwynt rhag yr annuwolion, ac ai ceidw hwynt, gan iddynt ymddyried ynddo.