Read William Morgan Bible 1588 original edition Psalmau 38 Bible Online

Psalmau 38 - William Morgan Bible 1588 original edition bible

Psalmau 38

¹Domine ne in furore. Psalm Dafydd, er coffa. [15]Arglwydd na cherydda fi yn dy lid: ac na chospa fi yn dy ddigllonedd.

²Canys dy saethau a ddescynnasant ynof: a’th law a ddescynnodd arnaf.

³Nid oes iechyd yn fyng-nhawd o herwydd dy ddigllonedd: ac nid oes heddwch i’m hescyrn, o blegit fy mhechod.

⁴Canys fyng-hamweddau a aethant dros fy mhen, megis baich gorthrwm y maent yn rhy drwm i mi.

⁵Fyng-hleisiau a bydrâsant [ac] a lygrâsant gan fy ynfydrwydd.

⁶Crymmwyd a darostyngwyd fi’n ddirfawr: beunydd yr ydwyf yn myned yn alârus.

⁷Canys fy lwynau a lawnwyd o boethder, ac nid [oes] iechyd yn fyng-nhawd.

⁸Gwanhauwyd, a drylliwyd fi’n dramawr: rhuais gan ofid fyng-halon.

⁹O’th flaen di Arglwydd [y mae] fy holl ddymuniad, ac ni chuddiwyd fy vchenaid oddi wrthit.

¹⁰Fyng-halon sydd yn cynhyrfu, fy nerth a’m gadâwodd, a llewyrch fy llygaid nid [yw] ychwaith gennif.

¹¹Fyng-haredigion, a’m cyfeillion a safent oddiar gyfer fy mhlâ, a’m cyfneseifiaid a safent o hir-bell.

¹²Yna y rhai a geisient fy enaid a osodasant faglau, a’r rhai a geisient fy niwed a draethent anwirêddau, ac a ddychymmŷgent ddichellion beunydd.

¹³A minne fel byddar ni clywn, eithr [oeddwn] fel mudan heb agorid ei enau.

¹⁴Felly’r oeddwn fel gŵr yr hwn ni chlywe, ac heb argyoeddion yn ei enau.

¹⁵O herwydd i’m obeithio ynot Arglwydd, ti fy Arglwydd Dduw, a wrandêwi.

¹⁶Canys dywedais, [edrych] rhag llawenychu [o’m gelynnion] i’m herbyn, pan lithre fy nhroed ymfawrygent i’m herbyn.

¹⁷Yn ddiau i ddialedd i’m paratoiwyd, a’m dolur [sydd] ger fy mron yn wastad.

¹⁸Diau y mynegaf fy anwiredd, [ac] y pryderaf o herwydd fy mhechod.

¹⁹Ac y mae fyng-elynnion yn fyw, ac yn gedyrn, amlhawyd hefyd y rhai a’m cassânt ar gam:

²⁰A’r rhai a dâlant ddrwg dros ddâ a’m gwrthwynêbant: am ddilyn o honof ddaioni.

²¹Na ad ti fi ô Arglwydd fy Nuw, nac ymbellhâ oddi wrthif.

²²Bryssia i’m cynnorthwyo ô Arglwydd fy iechyd.