Read William Morgan Bible 1588 original edition Psalmau 41 Bible Online

Psalmau 41 - William Morgan Bible 1588 original edition bible

Psalmau 41

¹Beatus qui intelligit. Psalm Dafydd at y pen-cerdd. [16]Gwyn ei fydd a ystyria wrth y tlawd, yr Arglwydd ai gwared ef yn amser adfyd.

²Yr Arglwydd ai ceidw, ac ai bywhâ, gwynfydedic fydd ar y ddaiar: na ddod tithe ef wrth ewyllys ei elynnion.

³Yr Arglwydd ai nertha ef ar ei glaf-wely: cyweiri ei holl wely ef yn ei glefyd.

⁴Mi a ddywedais, Arglwydd trugarhâ wrthif: iachâ fy enaid, canys pechais i’th erbyn.

⁵Fyng-elynnion a lefarent ddrwg am danaf [gan ddywedyd,] pa bryd y bydd efe farw, ac y derfydd am ei enw ef?

⁶Ac os daw i’m hedrych efe a ddywed gelwydd, ei galon a gascl ynddo anwiredd: efe a aiff allan, [ac a’i] traetha.

⁷Fy holl gaseion a gyd-hustyngant i’m herbyn: [ac] a dychymmygant ddrwg i mi.

⁸Aflwydd a dywalltwyd arno ef: a’r hwn sydd yn gorwedd ni chyfyd mwy.

⁹Hefyd y gŵr annwylaf gennif, yr hwn yr ymddyriedais iddo, [ac] a fwyttaodd fy mâra, a dderchafodd [ei] sodl i’m herbyn.

¹⁰Eithr ti Arglwydd trugarhâ wrthif, a chyfot fi, fel y talwyf iddynt.

¹¹Wrth hyn y gwn hoffi o honot fi: am na chaiff fyng-elyn orfolaethu i’m herbyn.

¹²Ond am danaf fi, yn fy mherffeithrwydd i’m cynheli, ac i’m gossodi ger dy fron yn dragywydd.

¹³Bendigedic fyddo Arglwydd Dduw Israel o dragywyddoldeb hyd dragywyddoldeb, Amen, Amen.