Read William Morgan Bible 1588 original edition Psalmau 45 Bible Online

Psalmau 45 - William Morgan Bible 1588 original edition bible

Psalmau 45

¹Eructauit cor meum. At y pen-cerdd ar y chwe-thant o feibion Corah, Can cariadau er athrawiaeth. Traethodd fyng-halon beth dâ, dywedyd yr ydwyf [am] fyng-weithredoedd i’r Brenin, fy nhafod [sydd fel] pin scrifennudd buan.

²Tegach ydwyt na meibion dynnion, tywalltwyd rhâd ar dy wefusau, o herwydd i Dduw dy fendithio di yn dragywydd.

³Gwregysa dy gleddyf ar dy glûn ô gadarn, [sef] dy ogoniant, a’th harddwch.

⁴Llwydda hefyd a’th ogoniant, marchog di ar air y gwirionedd, a lledneisrwydd [a] chyfiawnder: a’th ddeheu-law a ddysc i ti [bethau] ofnadwy.

⁵Pobl a syrthiant tanat: [o herwydd] dy saethau llymmion [yn glynu] yng-halon gelynnion y brenin.

⁶Dy orsedd di ô Dduw a [beru] byth, ac yn dragywydd: teyrn-wialen iniondeb [yw] teyrn-wialen dy frenhiniaeth di.

⁷Ceraist gyfiawnder, a chaseaist ddrygioni: am hynny i’th eneiniodd Duw, [sef] dy Dduw di ag olew llawenydd yn fwy na’th gyfeillion.

⁸[Arogl] Myrr, Aloes, [a] Chasia, [sydd ar] dy holl wiscoedd: [pan ddelech] o’r palâsau Ifori: lle i’th lawenhausant.

⁹Merched brenhinoedd [oedd] ym mhlith dy bendefigesau: safe y frenhines ar dy ddeheu-law mewn aur coeth o Ophir.

¹⁰Gwrando ferch, a gwêl hefyd, a gostwng dy glust: anghofia dy bobl, a thŷ dy dâd.

¹¹A’r brenin a chwennych dy degwch: canys efe yw dy Iôr di: ymostwng dithe iddo ef.

¹²Merch Tyrus hefyd [a] chyfoethogion y bobl a ymbiliant a’th wyneb ag anrheg.

¹³Merch y Brenin [sydd] oll yn anrhydeddus o fewn: gem-waith aur [yw] ei gwisc hi.

¹⁴Mewn gwaith edyf a nodwydd y dygir hi at y brenin: y morwynnion [y rhai a ddeuant] ar ei hôl yn gyfeillesau iddi a ddygir attat ti.

¹⁵Mewn llawenydd, a gorfoledd y dygir hwynt, [ac] y deuant i lŷs y brenin.

¹⁶Dy feibion fyddant yn lle dy dadau: gosodi hwynt yn dywysogion ym mhob gwlâd.

¹⁷Coffâf dy henw ym mhob cenhedlaeth, ac oes: am hynny y bobl a’th foliannant byth, ac yn dragywydd.