Read William Morgan Bible 1588 original edition Psalmau 46 Bible Online

Psalmau 46 - William Morgan Bible 1588 original edition bible

Psalmau 46

¹Deus noster refugium. At y pen-cerdd o feibion Corah cân gyd a’r Alamoth. Duw sydd obaith a nerth i ni, hawdd ei gael mewn cyfyngder.

²Am hynny nid ofnem pe syfle y ddaiar, a phe symmude y mynyddoedd i ganol y môr.

³[Pe] terfysce, a chymmysce ei ddyfroedd, [pe] cynhyrfe y mynyddoedd gan ei fordwy ef. Selah .

⁴Ffrydiau ei afon a lawenhânt ddinas Dduw: [sef] cyssegr presswylfeudd y Goruchaf.

⁵Duw [sydd] oi mewn hi, nid yscog hi: Duw ai cynnorthwya yn foreu iawn.

⁶Y cenhedloedd a derfyscâsant, y teyrnasoedd a yscogâsant [pan] roddes efe ei lef, toddodd y ddaiar.

⁷[Y mae] Arglwydd y lluoedd gyd â ni: [y mae] Duw Iacob yn amddeffynfa i ni. Selah .

⁸Deuwch, gwelwch weithredoedd yr Arglwydd pa anghyfannedd-dra a osododd efe ar y ddaiar.

⁹Gwnaiff i ryfeloedd beidio hyd eithaf y ddaiar, efe a ddryllia’r bŵa, ac a dyrr y waiwffon, [ac] a lysc y cerbydau â thân.

¹⁰Peidiwch, a gwybyddwch mai myfi [sydd] Dduw: derchefir fi ymysc y cenhedloedd, derchefir fi ar y ddaiar.

¹¹[Y mae] Arglwydd y lluoedd gyd â ni: amddeffynfa i ni [yw] Duw Iacob. Selah .