Read William Morgan Bible 1588 original edition Psalmau 48 Bible Online

Psalmau 48 - William Morgan Bible 1588 original edition bible

Psalmau 48

¹Magnus Dominus. Cân neu Psalm i feibion Corah. Mawr [yw’r] Arglwydd, a thra moliannus yn ninas ein Duw ni, [sef yn] ei fynydd sanctaidd.

²Tegwch bro [a] llawenydd yr holl wlâd [yw] mynydd Sion [yn] ystlysau y gogledd: [sef] dinas y Brenin mawr.

³Duw yn ei phalâsau a adwaenir yn amddeffynfa.

⁴Canys wele y brenhinoedd a ymgyfarfuant: [ac] a aethant yng-hyd.

⁵Hwynt a welsant, felly y rhyfeddâsant: brawychâsant [ac] aethant ymmaith ar ffrŵst.

⁶Dychryn a ddaeth arnynt hwy yno, [a] dolur megis gwraig yn escor.

⁷A gwynt y dwyrain y drylli longau y môr.

⁸Megis y clywsom, felly y gwelsom yn ninas Arglwydd y lluoedd, [sef] yn ninas ein Duw ni: Duw ai siccrhâ hi yn dragywydd. Selah .

⁹Disgwiliasom o Dduw am dy drugaredd o fewn dy Deml.

¹⁰Megis [y mae] dy enw ô Dduw, felly [y mae] dy fawl hyd eithafoedd y tîr: cyflawn o gyfiawnder yw dy ddeheu-law.

¹¹Llawenyched mynydd Sion: ac ymhyfryded merched Iuda, o herwydd dy farnedigaethau.

¹²Amgylchwch Sion, a chylchŷnwch hi, rhifwch ei thŷrau hi.

¹³Ystyriwch ar ei magŵyr, cadarnhewch ei phalâsau, fel y mynegoch i’r oes a ddêlo yn ôl.

¹⁴Canys y Duw hwn [yw] ein Duw ni byth, ac yn dragywydd: efe a’n tywys ni hyd angeu.