Read William Morgan Bible 1588 original edition Psalmau 49 Bible Online

Psalmau 49 - William Morgan Bible 1588 original edition bible

Psalmau 49

¹Audite hæc omnes. Psalm at y pen-cerdd o feibion Corah. Clywch hyn yr holl bobloedd, gwrandewch [hyn] holl drigolion y bŷd.

²Yn gystal gweryn a boneddigion, cyfoethog a thlawd yng-hyd.

³Fyng-enau a draetha ddoethineb: a myfyrdod fyng-halon [fydd am] ddeall.

⁴Gostyngaf fyng-hlust at ddihareb, fy nammeg a ddatganaf gyd a’r dêlyn.

⁵Pa ham yr ofnaf yn amser adfyd, [pan] ymgylchyno anwiredd fy sodlau i?

⁶Rhai a ymddyriedant yn eu golud: ac a ymffrostiant yn lluosogrwydd eu cyfoeth.

⁷Gan warêdu ni wareda neb [ei] frawd: [ac] ni all efe roddi iawn trosto ef i Dduw.

⁸(Canys gwerth-fawr yw prynniad eu henaid, fel y gorfyddo peidio [â hynny] byth.

⁹Fel y byddo efe byw byth, ac na welo’r bedd,

¹⁰Canys efe a wêl fod y doethion yn meirw, y cyd-dderfydd am ffôl, ac ynfyd: ac y gadawant eu golud i eraill:

¹¹Eu meddwl [yw y peru] eu tai yn dragywydd, ai trigfeudd hyd genhedlaeth, a chenhedlaeth: [am hynny] yr henwasant eu henwau eu hun ar eu tiroedd.

¹²Eithr nid erys dŷn mewn anrhydedd: tebyg yw i anifeiliaid a ddifethir.

¹³Dymma eu ffordd yn ynfydrwydd iddynt: etto eu hiliogaeth ydynt fodlon iw hymadrodd. Selah .

¹⁴Fel defaid y gosodir hwynt yn vffern, angeu a ymborth arnynt: a’r rhai cyfiawn ai llywodraethant arnynt y boreu: ai tegwch [aiff] i ddarfod i’r bedd oi cartref.

¹⁵Etto Duw a wared fy enaid o feddiant vffern: canys efe a’m derbyn i. Selah .

¹⁶Nac ofna pan gyfoethogo vn, pan chwanego gogoniant ei dŷ ef.

¹⁷Canys wrth farw ni ddŵg efe ddim, ac ni ddescyn ei ogoniant ar ei ôl ef.

¹⁸O herwydd yn ei fyw iddo wneuthur yn fawr am ei enioes: can-molant dithe o byddi ddâ wrthit dy hun.

¹⁹Efe a aiff at genhedloedd ei dâdau, [ac] ni welant oleuni byth.

²⁰Dŷn mewn anrhydedd, ac heb ddeall a gyffelybir i anifeiliaid a ddifethir.