Read William Morgan Bible 1588 original edition Psalmau 50 Bible Online

Psalmau 50 - William Morgan Bible 1588 original edition bible

Psalmau 50

¹Deus deorum Dominus. Psalm Asaph. [19]Duw y duwiau, [sef] yr Arglwydd a lefarodd, ac a alwodd y ddaiar o godiad haul hyd ei fachludiad.

²O Sion [mewn] perffeithrwydd tegwch y llewyrchodd Duw.

³Ein Duw ni a ddaw, ac ni bydd ddistaw, tân a yssa oi flaen ef: a thymestl fydd oi amgylch ef yn ddirfawr.

⁴Geilw am y nefoedd oddi vchod: ac am y ddaiar i farnu ei bobl.

⁵Cesclwch fy sainct attafi, y rhai a wnaethant gyfammod â mi trwy aberth.

⁶A’r nefoedd a fynegant ei gyfiawnder ef, canys Duw ei hun [sydd] farn-wr. Selah .

⁷Clywch fy mhobl, a mi a lefaraf, testiolaethaf i’th erbyn dithe Israel: Duw [sef] dy Dduw di, [ydwyf] fi.

⁸Nid am dy aberthau i’th geryddaf, na’th boeth offrymmau [am nad oeddynt] ger fy mron i yn wastad.

⁹Ni chymmeraf fustach o’th dŷ, na bychod o’th gorlannau.

¹⁰Canys holl fwyst-filod y coed ydynt eiddo fi: [a’r] anifeiliaid ar fil o fynyddoedd.

¹¹Adwen holl adar y mynyddoedd: a gwyllt anifeiliaid y maes [ydynt] gyd â mi.

¹²Os bydd newyn arnaf ni ddywedaf i ti: canys y bŷd ai gyflawnder [sydd] eiddo fi.

¹³A fwyttafi gîg teirw? neu a ŷfaf fi waed bychod?

¹⁴Abertha foliant i Dduw, a thâl i’r Goruchaf dy addunedau.

¹⁵A galw arnafi yn nydd trallod, [yna] i’th waredaf, a thi a’m gogoneddi.

¹⁶Ond wrth yr annuwiol y dywedodd Duw, beth [sydd] i ti a fynêgech ar fy neddfau mau fi? ac a gymmerech ar fyng-hyfammod yn dy enau?

¹⁷Canys ti a gaseais addysc, ac a deflaist fyng-eiriau i’th ôl.

¹⁸Pan welaist leidr, rhedaist gyd âg ef: a’th gyfran [oedd] gyd â’r godineb-wŷr.

¹⁹Gollyngaist dy safn i ddrygioni, ac â’th dafod a cyd-blethaist ddichell.

²⁰Eisteddaist, [a] dywedaist yn erbyn dy frawd: rhoddaist enllib i fab dy fam.

²¹Hyn a wnaethost, a mi a dewais, tybiaist dithe fy mod yn gwbl fel ti dy hun: ond mi a’th argyhoeddaf, ac a osodaf [yr hyn a wnaethost] o flaen dy lygaid.

²²Dehallwch hyn yn awr, y rhai ydych yn anghofio Duw, rhag i mi [eich] rhwygo, ac na [byddo] gwaredudd.

²³Yr hwn a abertho foliant a’m gogonedda fi: a’r neb a osodo ei ffordd [yn iawn] dangosaf iddo iechydwriaeth Dduw.