Read William Morgan Bible 1588 original edition Psalmau 55 Bible Online

Psalmau 55 - William Morgan Bible 1588 original edition bible

Psalmau 55

¹At y pen-cerdd ar y Neginoth athrawiaeth Dafydd. Gwrando fyng-weddi ô Dduw, ac nac ymguddia rhag fy neisyfiad.

²Gwrando arnaf ac erglyw fi, cŵynfan yr ydwyf yn fyng-weddi, a thuchan.

³Gan lais y gelyn, a chan orthrymder yr annuwiol, o herwydd iddynt ddywedyd celwydd arnaf, a’m gwrthwynebu yn llidioc.

⁴Fyng-halon a ofidia o’m mewn: ac ofn angeu a syrthiodd arnaf fi.

⁵Ofn, ac arswyd a ddaeth arnaf: a dychryn a’m gorchuddiodd.

⁶A dywedais, ô na bai i mi adenydd fel colommen: [yna]’r ehedwn, ac y gorphywyswn.

⁷Wele cyrwydrwn ym mhell, [ac] arhoswn yn yr anialwch. Selah .

⁸Bryssiwn i ddiangc rhag y gwynt ystormus, a’r demhestl.

⁹Dinistria ô Arglwydd, [a] gwahan eu tafodau, canys gwelais drawsder, a chynnen yn y ddinas.

¹⁰Dydd a nôs yr ymgylchant hi ar ei muriau, ac [y mae] anwiredd a blinder oi mewn.

¹¹Anwireddau [ydynt] oi mewn, ac ni chilia twyll a dichell oi heolydd hi.

¹²Nid gelyn yn ddiau a’m difenwodd, canys dioddefaswn [hynny:] nid fyng-has-ddyn a ymfawrygodd i’m herbyn, canys [ond odit] mi a ymguddiaswn rhagddo ef.

¹³Eithr tydi fyng-hydymmaith, fy fforddwr, a’m cydnabod.

¹⁴Y rhai oedd felys gennym gyd gyfrinachu: [ac] a rodiasom yn gymydeithgar yn nhŷ Dduw.

¹⁵Rhuthred marwolaeth arnynt: [fel] y descynnant i vffern yn fyw, canys drygioni [sydd] yn eu cartref oi mewn.

¹⁶Myfi a waeddaf ar Dduw, a’r Arglwydd a’m hachub i.

¹⁷Hwyr a boreu, a hanner dydd y gweddiaf, a byddaf daer: ac efe a glyw fy lleferydd.

¹⁸Efe a waredodd fy enaid mewn heddwch oddi wrth y rhyfel yr hwn [oedd] i’m herbyn: canys llawer oedd gyd â mi.

¹⁹Duw a glyw, ac ai darostwng hwynt yr hwn sydd yn teyrnasu er ioed, Selah : am nad [oes] symmudiadau iddynt, am hynny nid ofnant Dduw.

²⁰Efe a estynnodd ei law yn erbyn y rhai oeddynt heddychlon ag ef, [ac] a dorrodd ei gyfammod.

²¹Llyfnach oedd ei enau nag ymenyn: a rhyfel yn ei galon, tynêrach oedd ei eiriau nag olew, a hwynt yn gleddyfau noethion.

²²Bwrw dy ofal ar yr Arglwydd, ac efe a’th faetha di, ni âd i’r cyfiawn syrthio byth.

²³Tithe Dduw ai descynni hwynt i bydew llwgr: gwŷr gwaedlyd a thwyllodrus ni byddant byw hanner eu dyddiau, ond myfi a obeithiaf ynot ti.