Read William Morgan Bible 1588 original edition Psalmau 57 Bible Online

Psalmau 57 - William Morgan Bible 1588 original edition bible

Psalmau 57

¹Eurog psalm Dafydd at y pen-cerdd. Na ddifetha.Pan ffôdd efe rhag Saul i’r ogof. Trugarhâ wrthif ô Dduw, trugarhâ wrthif, canys ynot y gobeithiodd fy enaid: îe yng-hyscod dy adenydd y gobeithiaf, hyd onid êl yr aflwydd [hyn] heibio.

²Galwaf ar Dduw goruchaf, [sef] ar y Duw a gwplâ â mi.

³Efe a enfyn o’r nefoedd, ac a’m gwared, [oddi wrth] warthrudd yr hwn a’m llyngce. Selah : Denfyn Duw ei drugaredd, ai wirionedd.

⁴Fy enaid sydd ym mysc llewod, gorwedd yr wyf ym mysc dynnion poethion: ai dannedd fel gwaiw-ffyn, neu saethau, ai tafod fel cleddyf llym.

⁵Ymddercha Dduw vwch y nefoedd: [a bydded] dy ogoniant ar yr holl ddaiar.

⁶Darparâsant rwyd i’m traed, crymmwyd fy enaid, cloddiâsant bydew o’m blaen, [a] syrthiâsant yn ei ganol. Selah .

⁷Parod yw fyng-halon O Dduw, parod yw fyng-halon: canaf, a chan-molaf.

⁸Deffro fyng-ogoniant, deffro Nabl a thêlyn, deffroaf yn foreu.

⁹Clodforaf di Arglwydd ym mysc y bobloedd: can-molaf di ym mysc y cenhedloedd.

¹⁰Canys mawr [yw] dy drugaredd hyd y nefoedd, a’th wirionedd hyd yr wybrau.

¹¹Ymddercha Dduw vwch y nefoedd: [a bydded] dy ogoniant ar yr holl ddaiar.