Read William Morgan Bible 1588 original edition Psalmau 58 Bible Online

Psalmau 58 - William Morgan Bible 1588 original edition bible

Psalmau 58

¹At y pen-cerdd, eurog psalm Dafydd. Na ddifetha. Ai cyfiawnder yn ddiau a draethwch chwi ô gynnulleidfa? [ac] a fernwch chwi iniondeb ô feibion dynnion?

²Anwiredd yn hytrach a weithredwch yn eich calon: trawster y mae eich dwylo yn ei drino ar y ddaiar.

³O’r groth yr ymddieithrodd y rhai annuwiol, o’r brû y cyfeiliornasant gan ddywedyd celwydd.

⁴Gwenwyn [sydd] ganddynt fel gwenwyn sarph: megis neidr fyddar [yr hon] a gae ei chlustiau.

⁵Yr hon ni wrendu ar lais y rhin-wŷr, [na’r] cyfarwydd swyn-wr swynion.

⁶Dryllia ô Dduw eu dannedd yn eu geneuau: dinistria ô Arglwydd gil-ddannedd y llewod [ieuaingc.]

⁷Todder hwynt fel dwfr, a diflannant, [a phan saethant eu saethau, [byddant] fel pe torrid hwynt.

⁸Aed ymmaith fel malwoden dawdd, [neu] erthyl gwraig: [ac] na wêlont yr haul.

⁹Cythryblied ef megis [mewn] llid, fel [peth] amrwd cynn i’ch crochanau glywed gwrês y mieri.

¹⁰Y cyfiawn a lawenycha pan wêlo ddial: [ac] a ylch ei draed yng-waed yr annuwiol.

¹¹Yna y dywed dŷn, diau [fod] ffrwyth i’r cyfiawn: diau fod Duw a farna ar y ddaiar.