Read William Morgan Bible 1588 original edition Psalmau 59 Bible Online

Psalmau 59 - William Morgan Bible 1588 original edition bible

Psalmau 59

¹At y pen-cerdd eurog psalm Dafydd. Na ddifetha.pan yrrodd Saul rai i gadw y ty iw ladd ef. [22]Fy Nuw gwaret fi oddi wrth fyng-elynnion: amddeffyn fi oddi wrth y rhai a ymgyfodant i’m herbyn.

²Gwaret fi oddi wrth weithred-wŷr anwiredd: ac achub fi rhag y gwŷr gwaedlyd.

³Canys wele cynllwynâsant yn erbyn fy enaid, [ac] ymgasclodd cedyrn i’m herbyn: nid [ar] fy mai na’m pechod mau fi ô Arglwydd.

⁴Rhedant ymbarâtoant heb anwiredd [ynofi:] cyfot tithe i’m cafarfod, ac edrych.

⁵A thi Arglwydd Dduw’r lluoedd [sef] Duw Israel, deffro i ymweled â’r holl genhedloedd: na thrugarhâ wrth neb a’r a wnânt anwiredd yn falisus. Selah .

⁶Ymdroant gyd a’r hŵyr, cyfarthant fel cŵn, ac amgylchant y ddinas.

⁷Wele llefarant ai genau, [a] chleddyfau [fyddant] yn eu gwefusau: canys pwy [meddant] a glyw?

⁸Ond tydi ô Arglwydd ai gwattwari hwynt, [ac] a chwerddi am ben yr holl genhedloedd.

⁹I ti y cadwaf ei nerth ef: canys Duw [yw] fy amddeffynfa.

¹⁰Fy Nuw trugarog a’m rhagflaena: Duw a wnâ i mi weled [fy ewyllys] ar fyng-elynnion.

¹¹Na ladd hwynt rhag i’m pobl anghofio [hynny, eithr] gwascar hwynt yn dy nerth, a darostwng hwynt, ô Arglwydd ein tarian.

¹²[Am] bechod eu genau, [ac] ymadrodd eu gwefusau y delir hwynt yn eu balchder: canys melldith, a chelwydd a draethant hwy.

¹³Difa [hwynt] yn [dy] lîd, difa fel na [byddant] hwy [mwyach:] ac y gŵybyddant mai Duw sydd yn llywodraethu yn Iacob, [ac] hyd eithafoedd y ddaiar. Selah .

¹⁴A hwy a droant gyd a’r hwyr, ac a gyfarthant fel cŵn, ac a amgylchant y ddinas.

¹⁵Hwynt a grwydrant i fwytta, ac onis digonir, grwgnach a wnânt.

¹⁶Minne a gânaf am dy nerth, ac a ddad-canaf dy drugaredd yn foreu: canys buost yn amddeffynfa i mi, ac yn noddfa yn y dydd [y bu] cyfyngder arnaf.

¹⁷I ti fy nerth y canaf: canys Duw [yw] fy amddeffynfa, [sef] fy Nuw trugarog.