Read William Morgan Bible 1588 original edition Psalmau 60 Bible Online

Psalmau 60 - William Morgan Bible 1588 original edition bible

Psalmau 60

¹At y pen-cerdd ar chwe-thant, testiolaeth [ac] euroc Psalm Dafydd i ddyscu. Pan aeth efe yn erbyn Syriaid Mesopotamia, a Syriaid Zoba pan ddychwelodd Ioab a llad deuddeng mil o’r Edomiaid yn nyffryn yr halen. O Dduw ffieiddiaist ni, gwasceraist ni, [a] sorraist: dychwel attom.

²Gwnaethost i’r ddaiar grynu, [a] holltaist hi: iachâ ei briwiau, canys y mae yn siglo.

³Dangôsaist i’th bobl galedi: diodaist ni â gwîn madrondod.

⁴Rhoddaist faner i’r rhai a’th ofnant, i fuddugoliaethu o herwydd y gwirionedd. Selah .

⁵Fel y gwarêder dy rai annwyl: achub a’th ddeheu-law, a gwrando fi.

⁶Duw a lefârodd yn ei sancteiddrwydd, ([am hynny] y llawenychaf) rhannaf Sichem, a mesuraf ddyffryn Succoth.

⁷Eiddo fi [yw] Gilead, ac eiddo fi Manasses: Ephraim hefyd [yw] nerth fy mhen, Iuda [yw] fy neddf-wr.

⁸Moab [yw] fyng-hrochan golchi: ar Edom y bwriaf fy escid, Palestina, ymorfoledda di ynofi.

⁹Pwy a’m dwg i’r ddinas gadarn? pwy a’m harwain hyd yn Edom?

¹⁰Onid tydi Dduw [’r hwn] a’n ffieiddiaist? ac nid eit ti allan ô Dduw gyd a’n lluoedd?

¹¹Dod ti i mi gynhorthwy rhag cyfyngder: canys ofer [yw] ymwared dŷn.

¹²Yn Nuw y gwnawn wroldeb, canys efe a sathr ein cystudd-wŷr.