Read William Morgan Bible 1588 original edition Psalmau 62 Bible Online

Psalmau 62 - William Morgan Bible 1588 original edition bible

Psalmau 62

¹At y pen-cerdd Ieduthun Psalm Dafydd. [23]Wrth Dduw yn vnic y disgwil fy enaid, o honaw ef [y daw] fy iechydwriaeth.

²Efe yn vnic [yw] fyng-hraig, a’m hiechydwriaeth: a’m hamddeffyn: [am hynny] ni’m mawr yscogir.

³Pa hŷd y bwriedwch aflwydd i bawb? lleddir chwi oll, [a byddwch] fel magwyr ogwyddedic, [neu] bared ar ei ogwydd.

⁴Ymgynghorâsant yn vnic iw fwrw ef i lawr oi fawredd, hoffâsant gelwydd, ai geneuau y bendithiâsant, ac oi mewn y melldithiâsant. Selah .

⁵Oh fy enaid ymlonydda yn Nuw yn vnic, canys ynddo ef [y mae] fyng-obaith.

⁶Efe yn vnic yw fyng-hraig a’m hiechydwriaeth: a’m hamddeffynfa, [am hynny] ni’m hyscogir.

⁷Yn Nuw [y mae] fy iechydwriaeth a’m gogoniant: [sef] craig fyng-hadernid: yn Nuw [y mae] fyng-obaith.

⁸Gobeithiwch ynddo ef bob amser ô bobl, tywelltwch eich calon ger ei fron ef: Duw [sydd] obaith i ni. Selah .

⁹Gwâgedd yn vnic [yw] meibion dynion, geudab [yw] meibion gwŷr: pan gyfodant yn y clorian [yscafnach ydynt] hwy eu gyd na gwêgi.

¹⁰Nac ymddyriedwch mewn camwedd, ac mewn trawsedd na ddiflennwch: os cynnydda golud, na roddwch eich calon [arno.]

¹¹Un-waith y dywedodd Duw, clywais hynny ddwy-waith, mai eiddo Duw [yw] cadernid.

¹²Trugaredd hefyd [sydd] eiddo ti ô Arglwydd: canys ti a dêli i bawb yn ôl ei weithred.