Read William Morgan Bible 1588 original edition Psalmau 63 Bible Online

Psalmau 63 - William Morgan Bible 1588 original edition bible

Psalmau 63

¹Psalm Dafydd pan oedd efe yn nifaethwch Iuda. Ti ô Dduw [wyt] fy Nuw mau fi, yn foreu i’th geisiaf, sychêdodd fy enaid am danat, hiraethodd fyng-hnawd am danat mewn tîr crâs a sychêdic heb ddwfr.

²Felly i’th welais [megis] mewn cyssegr, wrth weled dy nerth, a’th ogoniant.

³Canys gwell [yw] dy drugâredd di na’r bywyd, fyng-wefusau a’th foliannant di.

⁴Felly i’th glodforaf yn fy mywyd, [ac] y derchafaf fy nwylo yn dy enw.

⁵Megis â mêr, ac â brasder y digonir fy enaid: a’m genau a’th fawl â gwefusau llafar:

⁶Pan i’th gofiwyf ar fyng-wely, mefyriaf am danat yn y gwiliadwriaethau.

⁷Canys buost gynnorthwy i mi, am hynny yng-hyscod dy adenydd y gorfoleddaf.

⁸Fy enaid a lŷnodd wrthit, a’th ddehaulaw a’m cynhaliodd.

⁹A’r rhai a geisiant fy enaid i ddestruw, a ânt i isselderau y ddaiar.

¹⁰Syrthiant ar fin y cleddyf: [a] rhan llwynôgod fyddant hwy.

¹¹Ond y brenin a lawenycha yn Nuw: gorfoledda pob vn a dyngo iddo ef, canys caeir genau y rhai a ddywedant gelwydd.