Read William Morgan Bible 1588 original edition Psalmau 66 Bible Online

Psalmau 66 - William Morgan Bible 1588 original edition bible

Psalmau 66

¹At y pen-cerdd Psalm neu gân. Ymlawenhewch yn Nuw yr holl fŷd.

²Dadcenwch ogoniant ei enw: gosodwch ei foliant yn ogoneddus.

³Dywedwch wrth Dduw, mor ofnadwy [ydwyt yn] dy weithredoedd? o herwydd amlder dy nerth y cymmer dy elynnion arnynt fod yn ddarostyngedic i ti.

⁴Yr holl fyd a ymostyngant i ti, ac a gânant i ti: [îe] canant i’th enw. Selah .

⁵Deuwch, a gwêlwch weithredoedd Duw, ofnadwy [yw yn ei] weithred tu ag at feibion dynnion.

⁶Trôdd efe y môr yn sych-dir, aethant drwy’r afon ar draed: yna y llawenychâsom ynddo.

⁷Efe a lywodraetha trwy ei gadernid byth, ei lygaid a edrychant at y cenhedloedd, y rhai annufudd nid ymdderchafant. Selah .

⁸Oh bobloedd molwch ein Duw, a phêrwch glywed llais ei fawl ef.

⁹Yr hwn sydd yn gosod ein henaid mewn bywyd, ac ni âd i’n troed lithro.

¹⁰Canys profaist ni ô Dduw, a choethaist ni fel coethi arian.

¹¹Dygaist ni i’r rhwyd, gosodaist wascfa ar ein lwynau.

¹²Peraist i ddynnion farchogaeth ar vcha ein pennau, aethom drwy yr tân, a’r dwfr: a thi a’n dygaist allan i [le] diwall.

¹³Deuaf i’th dŷ ag offrymmau poeth, talaf it fy addunedau,

¹⁴Y rhai a addawodd fyng-wefusau, ac a ddywedodd fyng-enau yn fyng-hyfyngder.

¹⁵Offrymmaf it boeth offrymmau breision yng-hyd ag arogl-darth hyrddod: aberthaf ŷchen, a bychod. Selah .

¹⁶Deuwch, gwrandewch y rhai oll a ofnwch Dduw: a mynegaf yr hyn a wnaeth efe i’m henaid.

¹⁷Llefais arno a’m genau, ac efe a dderchafwyd a’m tafod.

¹⁸Pe edrychaswn ar anwiredd yn fyng-halon, ni wrandawse’r Arglwydd.

¹⁹Duw yn ddiau a glybu, [ac] a wrandawodd ar lais fyng-weddi.

²⁰Bendigedic fyddo Duw’r hwn ni fwriodd fyng-weddi [oddi wrtho,] nai drugaredd ef oddi wrthif inne.