Read William Morgan Bible 1588 original edition Psalmau 68 Bible Online

Psalmau 68 - William Morgan Bible 1588 original edition bible

Psalmau 68

¹At y pen-cerdd Psalm neu gân Dafydd. [25]Cyfoded Duw [a] gwascerir ei elynnion: ffoed ei gaseion oi flaen ef.

²Chweli [hwynt] fel chwalu mŵg: fel y tawdd cŵyr wrth y tân difether y rhai annuwiol o flaen Duw.

³Ond llawenycher y rhai cyfiawn, a gorfoleddant ger bron Duw: a byddant hyfryd o lawenydd.

⁴Cenwch i Dduw, can-molwch ei enw, derchefwch yr hwn sydd yn marchogaeth ar y nefoedd, yr Arglwydd [yw] ei enw: gorfoleddwch ger ei fron ef.

⁵Tâd yr amddifaid, a barn-wr y gweddwon [yw] Duw yn ei bresswylfa sanctaidd.

⁶Duw sydd yn gosod rhai [i fod] yn gydtun mewn tŷ, ac yn dwyn allan y rhai a rwymwyd mewn gefynnau: ond y rhai cyndyn a bresswyliant gras-dir.

⁷Pan aethost ô Dduw o flaen dy bobl: pan gerddaist trwy yr anialwch. Selah .

⁸Y ddaiar a grynodd, a’r nefoedd a ddiferâsant o flaen Duw: [felly] Sinai yntef o flaen Duw, [sef] Duw Israel.

⁹Dihidlaist law graslawn ô Dduw [ar] dy etifeddiaeth: ti ai gwrteithiaist wedi ei blîno.

¹⁰Dy gynnulleidfa di sydd yn trigo ynddi, yn dy ddaioni ô Dduw yr wyt yn darparu i’r tlawd.

¹¹Yr Arglwydd a roddes y gair, mawr [oedd] mintai y rhai a bregethent.

¹²Brenhinoedd byddinoc a ffoesant, [ac] a yrrwyd i gilio: a’r hon a drigodd yn tŷ a rannodd yr yspail.

¹³Er gorwedd o honoch rhwng y crochânau, [byddwch fel] escyll colomen wedi eu gwisco ag arian, ai hadenydd o aur melyn.

¹⁴Pan wascarodd yr Holl-alluoc frenhinoedd ynddi, yr oedd hi cyn wynned ag eira yn Salmon.

¹⁵Mynydd Duw [sydd fel] mynydd Basan,: yn fynydd cribog [fel] mynydd Basan.

¹⁶Pa ham y llemmwch chwi fynyddoedd cribog? y mynydd [hwn] a chwenychodd Duw ei bresswylio, ac a bresswylia’r Arglwydd byth.

¹⁷Cerbydau Duw [ydynt] vgain mil [sef] miloedd o angelion: a’r Arglwydd yn eu plîth megis yng-hyssegr Sinai.

¹⁸Derchefaist i’r vchelder, caeth-gludaist gaethiwed, derbynnaist roddion i ddynion: a’r rhai cyndyn hefyd [a gaethiwaist,] gan bresswylio ô Arglwydd Dduw [yno.]

¹⁹Bendigedic [fyddo]’r Arglwydd beunydd, [yr hwn] a’n llwytha ni â daioni: [sef] Duw ein iechydwriaeth ni. Selah .

²⁰Efe [yw] ein Duw ni sef Duw iechydwriaeth: a thrwy’r Arglwydd Dduw [y mae] diangc oddi wrth farwolaeth.

²¹Duw yn ddiau a archolla benn ei elynnion, [a] choppa walltoc yr hwn a rodio rhagddo yn ei gamweddau.

²²Dywedodd yr Arglwydd, dygaf [fy mhobl] trachefn [megis] o Basan, dygaf [hwynt] yn eu hôl [megis] o ddyfnder y môr.

²³Fel y trochech dy droed mewn gwaed, [a] thafod dy gŵn yn [y gwaed] yr hwn [a ddaw] oddi wrth y gelynnion.

²⁴Gwelsant dy fynediad ô Dduw, [sef] mynediad fy Nuw a’m Brenin yn y cyssegr.

²⁵Y cantorion a aethant o’r blaen, a’r cerddorion ar ôl: yn y canol yr oedd y llangcêsau yn canu tympanau.

²⁶Clodforwch Dduw yn y cynnulleidfaoedd, [clodforwch] yr Arglwydd [y rhai ydych] o ffynnon Israel.

²⁷Yno [y mae] Beniamin fychan eu llywydd, [a] thywysogion Iuda eu cynnulleidfa: tywysogion Zabulon, a thywysogion Nephthali.

²⁸Dy Dduw a ordeiniodd nerth i ti, cadarnhâ ô Dduw yr hyn a wnaethost ynom ni.

²⁹Brenhinoedd a ddygant i ti anrheg er mwyn dy Deml yn Ierusalem.

³⁰Difetha dyrfa y gwaiwffyn, [sef] cynnulleidfa gwrdd deirw, ym mysc lloi y bobl fel y delont yn ostyngedic a darnau arian: gwascar y bobl a ewyllysiant ryfel.

³¹[Yna] pendefigion a ddeuant o’r Aipht, Ethiopia a estyn ei dwylo’n bryssur at Dduw.

³²Teyrnasoedd y ddaiar cênwch i Dduw, can-molwch yr Arglwydd. Selah .

³³Yr hwn a ferchyg ar y nefoedd goruchaf o’r dechreu: wele efe a ddyru ei leferydd sain nerthol.

³⁴Rhoddwch i Dduw gadernid: ei oruchelder [sydd] ar Israel, ai nerth yn yr wybrennau.

³⁵Ofnadwy wyt ô Dduw oth gyssegr, Duw Israel yw efe, yn rhoddi nerth, a chadernid i’r bobl: bendigedic [fyddo] Duw.