Read William Morgan Bible 1588 original edition Psalmau 69 Bible Online

Psalmau 69 - William Morgan Bible 1588 original edition bible

Psalmau 69

¹At y pen-cerdd ar chwe-thant psalm Dafydd. [26]Achub fi ô Dduw, canys y dyfroedd a ddaethant hyd at [fy] enaid.

²Glŷnais yn y domm dyfn, lle ni [chawn] sefyllfa: deuthum i ddyfnder y dyfroedd, a’r ffrŵd a lifodd trosof.

³Blinais yn llefain, sychodd fyng-hêg, [a] phallodd fy llygaid: [a mi] yn disgwil wrth fy Nuw.

⁴Amlach na gwallt fy mhenn yw y rhai a’m casânt heb achos: cedyrn yw fyng-elynnion y rhai a’m difethent ar gamm: yna y têlais yr hyn ni chymmerais.

⁵O Dduw ti a adwaenost fy ynfydrwydd, ac nid yw fyng-hamweddau guddiedic oddi wrthit ti.

⁶Na chywilyddier o’m plegit i y rhai a obeithiant ynot ti Arglwydd Dduw y lluoedd: na wradwydder o’m plegit i y rhai a’th geisiant ti ô Dduw Israel.

⁷Canys er dy fwyn di y dygais warthrudd, [ac] y tôdd cywilydd fy wyneb,

⁸Euthym yn ddieithr i’m brodyr, ac [fel] estron gan blant fy mam.

⁹Canys zêl dy dŷ a’m hyssodd, a gwradwyddiad y rhai a’th wradwyddent di a syrthiodd arnafi.

¹⁰Wylais [gan gystuddio] fy enaid ag ympryd, a [bu hynny] yn wradwydd i mi.

¹¹Gwiscais hefyd sach-liain, ac euthym yn ddihareb iddynt.

¹²Am danafi y chwedleue y rhai a eisteddent yn y porth, ac [y gwnae] y rhai meddwon wawd.

¹³Ond mi [a wnaf] fyng-weddi attat ti ô Arglwydd mewn amser cymmeradwy ô Dduw, yn lluosogrwydd dy drugaredd: gwrando fi yng-wirionedd dy iechydwriaeth.

¹⁴Gwaret fi o’r domm fel na soddwyf, rhyddhaer fi oddiwrth fyng-haseion, ac o’r dyfroedd dyfnion.

¹⁵Na lifed y ffrŵd ddwfr trosof, ac na lyngced y dyfnder fi: na chaeued pydew ychwaith ei safn arnaf.

¹⁶Clyw fi Arglwydd, canys dâ [yw] dy drugaredd: yn ôl amlder dy dosturiaethau edrych arnaf.

¹⁷Ac na chuddia dy wyneb oddiwrth dy wâs, canys [y mae] cyfyngder arnaf, bryssia, gwrando fi.

¹⁸Nesâ at fy enaid, a gwaret ef, rhyddhâ fi o herwydd fyng-elynnion.

¹⁹Ti a adwaenost fyng-warthrudd, am cywilydd, a’m gwradwydd: fy holl elynnion [ydynt] ger dy fron di.

²⁰Gwarthrudd a ddrylliodd fyng-halon, yr ydwyf yn gofidio: canys disgwiliais [am rai] i dosturio [wrthif,] ac nid [oedd neb:] ac am gyssur-wŷr, ac ni chefais [neb.]

²¹Eithr rhoddasant hefyd fustl yn fy mwyd, ac a’m diodâsant yn fy syched â finegr.

²²Bydded eu bwrdd hwythau yn fagl ger eu bron, ai llwyddiant yn dramgwydd.

²³Tywyller eu llygaid fel na welont, a gwna iw cefnau grymmu bob amser.

²⁴Tywallt dy ddig arnynt, a goddiwedded llidiawgrwydd dy ddigofaint hwynt.

²⁵Bydded eu preswylfod yn anghyfannedd, ac na fydded a drigo yn eu pebyll:

²⁶Canys erlidiâsant yr hwn a darawsit ti, ac am ofid y rhai a archollaist ti y crybwyllant.

²⁷Dod ti anwiredd ar anwiredd iddynt, ac na ddelont yn dy gyfiawnder di.

²⁸Tynner hwynt ymmaith o lyfr y bywyd: ac na scrifenner hwynt gyd a’r rhai cyfiawn.

²⁹Pan [fyddwyf] druan, a gofidus, dy iechydwriaeth di ô Dduw, a’m cyfyd fi.

³⁰Moliannaf enw Duw ar gân, a mawrygaf ef mewn mawl.

³¹A [hyn] fydd gwell gan yr Arglwydd nag ŷch [neu] fustach corniog, carnol.

³²Y trueniaid a lawenychant [pan] welant [hyn:] eich calon chwithau y rhai a geisiwch Dduw a fydd byw.

³³Canys gwrendu’r Arglwydd ar dlodion, ac ni ddiystyra efe ei garcharorion.

³⁴Nefoedd, a daiar, y môr a’r hyn oll a ymlusco ynddo ai molant ef.

³⁵Canys Duw a achub Sion, ac a adailada ddinasoedd Iuda, fel y triger yno, ac y meddianner hi.

³⁶Ie hiliogaeth ei weision ai meddiannant hi: a’r rhai a hoffant ei enw ef a bresswyliant ynddi.