Read William Morgan Bible 1588 original edition Psalmau 71 Bible Online

Psalmau 71 - William Morgan Bible 1588 original edition bible

Psalmau 71

¹[27]Ynot ti ô Arglwydd y gobeithiais, na’m cywilyddier byth.

²Achub fi, a gwaret fi yn dy gyfiawnder: gostwng dy glust attaf, ac achub fi.

³Bydd i mi’n graig gadarn, i ddyfod iddi bob amser: addewaist fy achub, canys ti yw fyng-hraig a’m hamddeffynfa.

⁴Gwaret fi ô Dduw o law’r annuwiol, o law y trofaus, a’r traws.

⁵Canys ti yw fyng-obaith ô Arglwydd Dduw, [sef] fyng-obaith o’m ieuengctid.

⁶Wrthit ti i’m cynhaliwyd o’r bru, ti a’m tynnaist o grôth fy mam: fy mawl [fydd] yn wastad am danat ti.

⁷Oeddwn i lawer megis yn anghenfil, eithr ty di [wyt] fyng-hadarn obaith.

⁸Llanwer fyng-enau a’th foliant, dy ogoniant [a ddadcanaf] beunydd, [a’th anrhydedd.]

⁹Na fwrw fi ymmaith yn amser henaint: na wrthot fi pan ddarfyddo fy nerth.

¹⁰Canys fyng-elynnion ydynt yn chwedleua i’m herbyn, a’r rhai a ddisgwiliasant am fy enaid, a gyd-ymgynghorâsant.

¹¹Gan ddywedyd, Duw ai gwrthododd ef, erlidiwch, a deliwch ef, canys nid [oes] gwaredudd.

¹²O Dduw na fydd bell oddi wrthif, fy Nuw bryssia i’m cymmorth.

¹³Cywilyddier, a difether y rhai a wrthwynebant fy enaid, â gwarth ac â gwradwydd y gorchguddier y rhai a geisiant ddrwg i mi.

¹⁴Minne a obeithiaf yn wastad, ac a’th foliannaf di fwy-fwy.

¹⁵Fyng-enau a fynêga dy gyfiawnder, a’th iechydwriaeth beunydd: canys ni wn rifedi [arnynt.]

¹⁶Yng-hadernid yr Arglwydd Dduw y cerddaf, dy gyfiawnder di yn vnic a gofiaf fi.

¹⁷O’m ieuengctid i’m dyscaist ô Dduw, am hynny y mynegaf dy ryfeddodau hyd yn hyn.

¹⁸Na wrthot fi ychwaith ô Dduw mewn henaint, a phen-llwydni, hyd oni fynegwyf dy nerth i’r genhedlaeth [hon,] a’th gadernid i bob vn a ddelo.

¹⁹Dy gyfiawnder ô Dduw a aeth yn vchel yr hwn a wnaethost [bethau] mawrion, pwy ô Dduw [sydd] fel tydi?

²⁰Yr hwn a wnaethost i mi weled aml a drygionus gystudd, [etto] dychwelaist [a] bywheaist fi, dychwelaist a chyfodaist fi o orddyfnder y ddaiar.

²¹Amlhei fy mawredd, troi hefyd [a] chyssuri fi.

²²Minne a’th foliannaf ô Dduw ar offeryn nabl [am] dy wirionedd: cânaf it a’r delyn ô Sanct Israel.

²³Fyng-wefusau fyddant hyfryd pan ganwyf i ti, a’m henaid yr hwn a warêdaist.

²⁴Fy nhafod hefyd a draetha dy gyfiawnder beunydd, o herwydd cywilyddio, [ac] am wradwyddo y rhai a geisiant niwed i mi.