Read William Morgan Bible 1588 original edition Psalmau 72 Bible Online

Psalmau 72 - William Morgan Bible 1588 original edition bible

Psalmau 72

¹Psalm Salomon. O Dduw dod ti i’r brenin dy farnedigaethau: ac î fab y brenin dy gyfiawnder.

²[Yna] y barn efe dy bobl mewn cyfiawnder: a’th drueniaid mewn iniondeb.

³Y mynyddoedd a ddygant heddwch i’r bobl a’r brynnau, gyfiawnder.

⁴Efe a farn drueniaid y bobl, efe a achub feibion yr anghênus: ac a ddryllia y gorthrymmudd.

⁵Tra fyddo haul a lleuad i’th ofnant, [yn] oes oesoedd.

⁶Efe a ddescyn fel glaw ar gnû gwlân, fel cafodydd yn dyfrhau y ddaiar.

⁷Yn ei ddyddiau ef y blodeua y cyfiawn, ac amlder o heddwch fydd tra [fyddo] lleuad.

⁸Ac efe a lywodraetha o fôr hyd fôr, ac o’r afon hyd derfynau y ddaiar.

⁹Oi flaen ef yr ymgrymma trigolion yr anialwch: ai elynnion a lŷfant y llŵch.

¹⁰Brenhinoedd Tharsis, a’r ynysoedd a dâlant anrheg, brenhinoedd Saba, ac Arabia a ddygant rodd.

¹¹Ie’r holl frenhinoedd a ymgrymmant iddo ef: yr holl genhedloedd ai gwasanaethant ef.

¹²Canys efe a wared yr anghênog pan waeddo, a’r truan hefyd, a’r [hwn] ni [byddo] cynnorthwy-wr iddo.

¹³Efe a arbed y tlawd a’r rheidus: ac a achub enaid y rhai anghenus.

¹⁴Efe a wareda ei henaid oddi wrth dwyll, a thrawsder: a gwerthfawr fydd eu gwaed yn ei olwg ef.

¹⁵Byw hefyd fydd efe, a rhoddir iddo o aur Arabia: gweddiant hefyd atto ef yn wastad: beunydd y clodforir ef.

¹⁶Bydd dyrned o ŷd ar y ddaiar ym mhen y mynyddoedd, ei ffrwyth a escwyd fel Libanus: a [phobl] a darddant o’r ddinas fel gwellt y ddaiar.

¹⁷Ei enw fydd yn dragywydd, ei enw a beru tra fyddo haul, yr holl genhedloedd a fendithir ynddo ef, ac ai clodforant ef.

¹⁸Bendigêdic [fyddo]’r Arglwydd Dduw [sef] Duw Israel, yr hwn yn vnic sydd yn gwneuthur rhyfeddodau.

¹⁹Bendigedic hefyd [fyddo] enw ei ogoniant ef yn dragywydd: a’r holl ddaiar a lanwer oi ogoniant, Amen, Amen. 20 YMMA y gorphennir gweddiau Dafydd fab Isai.