Read William Morgan Bible 1588 original edition Psalmau 73 Bible Online

Psalmau 73 - William Morgan Bible 1588 original edition bible

Psalmau 73

¹Psalm at Asaph. [28]Yn ddiau dâ [yw] Duw i Israel: [sef] i’r rhai glân o galon.

²Etto braidd na lithrodd fy nhraed, prinn na thrippiodd fyng-herddediad.

³Canys cenfigennais wrth y rhai ynfyd, [pan] welais lwyddiant y rhai annuwiol.

⁴Canys heb ofid [y deuant] iw marwolaeth, ai cryfder [sydd] heini.

⁵Nid [ydynt] mewn blinder dynawl, ac ni ddialeddir arnynt hwy gyd â dynnion eraill.

⁶Am hynny y cadwynodd balchder hwynt [ac] y gwisc trawsder am danynt [fel] dilledyn.

⁷Eu llygad a saif allan gan frasder: aethant tros feddwl calon [o gyfoeth.]

⁸Y maent yn llygru, yn chwedleua yn ddrygionus [am] drawsder: [ac] yn dywedyd yn vchel.

⁹Gosodâsant eu genau yn erbyn y nefoedd, ai tafod a gerdd trwy’r ddaiar.

¹⁰Am hynny y dychwel ei bobl ef ymma, ac y gwescir iddynt ddwfr [phiol] lawn.

¹¹Dywedant hefyd, pa fodd y gŵyr Duw, a oes gwybodaeth gan y Goruchaf?

¹²Wele dymma y rhai annuwiol, a’r rhai ydynt lwyddiannus yn wastad: [ac] a amlhâsant olud.

¹³Diau [mai] yn ofer y glanhêais fyng-halon, ac y golchais fy nwylo mewn gwiriondeb.

¹⁴Canys ar hyd y dydd i’m maeddwyd, fyng-hosp [a ddeue] bôb boreu.

¹⁵Os dywedwn, mynega fel hyn, wele [â] chenhedlaeth dy blant di y gwnawn gam.

¹⁶Pan amcânwn ddeall hyn, blîn [oedd] hynny yn fyng-olwg mau fi.

¹⁷Hyd onid euthum i gyssegr Duw: yna y deallais eu diwedd hwynt.

¹⁸Diau osod o honot hwynt yn llithric [a] chwympo o honot ti hwynt i anghyfannedd-dra.

¹⁹Morr ddisymmwth yr aethant yn anghyfannedd, y pallhâsant, ac y darfuant yn aruthrol.

²⁰Fel breuddwyd wrth ddihuno [un,] y gwnei eu gwedd hwynt yn ddirmygus yn y ddinas ô Arglwydd.

²¹Diau lidio fyng-halon: a’m trywanu trwy fy arennau.

²²Canys [yr oeddwn] i yn ynfyd, ac heb ŵybod [dim:] anifail oeddwn o’th flaen di.

²³Etto yr [oeddwn] yn wastad gyd â thi: ymaflaist yn fy llaw ddehau.

²⁴Yn dy gyngor i’m harweini: ac wedi [hynny] i’m cymmeri [i] ogoniant.

²⁵Pwy [sydd] gennifi yn y nefoedd [ond ty di?] ac ni ewyllysiais ar y ddaiar [neb] gyd â thydi.

²⁶Pallodd fyng-nhawd a’m calon, nerth fyng-halon a’m rhan [yw] Duw yn dragywydd.

²⁷Canys wele difethir y rhai a bellhânt oddi wrthit, peraist dorri ymmaith bôb vn a butteinio oddi wrthit.

²⁸Minne, nessaû [at] Dduw [sydd] dda i mi, yn yr Arglwydd Dduw y gosodais fyng-obaith, i dreuthu dy holl weithredoedd [ym mhyrth merch Sion.].