Read William Morgan Bible 1588 original edition Psalmau 76 Bible Online

Psalmau 76 - William Morgan Bible 1588 original edition bible

Psalmau 76

¹At y pen-cerdd ar Neginoth Psalm neu gân i Asaph. Hynod yw Duw yn Iuda, [a] mawr [yw] ei enw ef yn Israel.

²Ei babell hefyd sydd yn Salem, ai drigfa yn Sion.

³Yna y drylliodd efe y saethau, y bŵa, [a’r] tarian: y cleddyf hefyd a’r frwydr. Selah .

⁴Discleiriach [wyt] ti, [a] chadarnach nâ mynyddoedd yr yspeil-wŷr.

⁵Yspeiliwyd y cedyrn galon, hunâsant eu hûn, a’r holl wŷr cedyrn o nerth ni chawsant [ddim.]

⁶Gan dy gerydd di ô Dduw Iacob, y rhodded y cerbyd a’r march i gyscu.

⁷Tydi, tydi wyt ofnadwy, a pwy a saif oth flaen pan [enynno] ddigter?

⁸O’r nefoedd y cyhoeddaist [dy] farn, ofnodd, a gostegodd y ddaiar.

⁹Pan gyfododd Duw i farnu, [ac] i achub holl rai llednais y tîr. Selah .

¹⁰Canys cynddaredd dŷn a’th folianna di, [a] gweddill [eu]cynddaredd a ostêgi di.

¹¹Addunedwch, a thêlwch i’r Arglwydd eich Duw: y rhai oll ydych oi amgylch ef dygwch anrheg i’r ofnadwy.

¹²Efe a dynn ymmaith yspryd tywysogion, [ac efe sydd] ofnadwy i frenhinoedd y ddaiar.