Read William Morgan Bible 1588 original edition Psalmau 77 Bible Online

Psalmau 77 - William Morgan Bible 1588 original edition bible

Psalmau 77

¹At Ieduthun y pen-cerdd Psalm i Asaph. A’m llef y gwaeddaf ar Dduw: a’m llef [y gwaeddaf] ar Dduw, ac efe a’m gwrendu.

²Yn nydd fy nhrallod y ceisiais yr Arglwydd, fy archoll a redodd liw nôs, ac ni pheidiodd: fy enaid a wrthododd [ei] ddiddânu.

³Meddyliwn am Dduw pan i’m cythryblid, gweddiwn, pan derfyscer fy yspryd. Selah .

⁴Deliaist fy llygaid yn neffro, fe synnodd arnaf, dychrynnais fel nad allwn lefaru.

⁵[Yna]’r ystyriais y dyddiau gynt, [a] blynyddoedd yr hên oesoedd.

⁶Meddylio yr ydwyf am fyng-hân, y nôs yr ydwyf yn myfyrio wrthif fy hun: fy yspryd sydd yn chwilio [fel hyn:]

⁷Ai yn dragywydd y cilia’r Arglwydd? ac oni bydd efe bodlon mwy?

⁸A ddarfu ei drugaredd ef tros byth? a balla gair ei [addewid ef] yn oes oesoedd?

⁹A anghofiodd Duw drugarhaû, a gaeuodd efe ei drugareddau mewn sorriant? Selah .

¹⁰A dywedais, dymma fyng-wendid, [etto cofiaf] flynyddoedd deheu-law y Goruchaf.

¹¹Cofiaf weithredoedd yr Arglwydd, îe cofiaf dy wyrthiau gynt.

¹²Myfyriaf hefyd ar dy holl weithredoedd, ac am dy ddychymmygion y chwedleuaf.

¹³Dy ffordd ô Dduw [sydd] mewn sancteiddrwydd, pa Dduw [sydd morr] fawr â’n Duw [ni?]

¹⁴Ti Dduw ydwyt yn gwneuthur rhyfeddod, yspysaist dy nerth ym mysc y bobloedd.

¹⁵Gwarêdaist y bobl yn nerthol, [sef] meibion Iacob ac Ioseph. Selah .

¹⁶Y dyfroedd a’th welsant ô Dduw, y dyfroedd a’th welsant, [ac] a ofnasant: y dyfndêrau hefyd a gynhyrfwyd.

¹⁷Y cwmylau a bistyllasant ddwfr, yr wybrennau a roddâsant dwrwf: dy saethau hefyd a gerddâasant.

¹⁸Twrf dy daran [a glywyd] o amgylch, mellt a oleuâsant y bŷd: cyffrôdd, a chrynodd y ddaiar.

¹⁹Dy ffordd [sydd] yn y môr, a’th lwybrau yn y dyfroedd mawrion: ac nid adweinir dy ôl.

²⁰Tywysaist dy bobl fel defaid, drwy law Moses, ac Aaron.