Read William Morgan Bible 1588 original edition Psalmau 78 Bible Online

Psalmau 78 - William Morgan Bible 1588 original edition bible

Psalmau 78

¹Athrawiaeth i Asaph. [30]Gurando fyng-hyfraith, fy mhobl, gostyngwch eich clust at eiriau fyng-enau.

²Agoraf fyng-enau mewn dihareb, thraethaf ddammegion o’r cynfyd.

³Y rhai a glywsom, ac a wybûom, ac a fynêgodd ein tadau i ni.

⁴Ni chêlwn rhag eu meibion, [eithr] mynegwn i’r oes nesaf foliant yr Arglwydd ai nerth, ai ryfeddodau, y rhai a wnaeth efe.

⁵Fel y cyfododd efe destiolaeth yn Iacob, ac y gosododd gyfraith yn Israel: y rhai a orchymynnodd efe i’n tadau eu dyscu iw plant.

⁶Fel y gwybydde’r oes nesaf, [sef] y plant a ênyd, a [phan] gyfodent y mynegent [hwy] iw plant hwythau.

⁷Fel y gosodent eu gobaith ar Dduw, heb anghofio gweithredoedd Duw, eithr cadw ei orchymynnion ef.

⁸Ac na byddent fel eu tadau yn genhedlaeth gyndyn, ac annufudd, yn genhedlaeth nid yw iniawn ei chalon, ac nid yw ei hyspryd ffyddlon i Dduw.

⁹Meibion Ephraim yn arfog [ac] yn saethu [â] bŵa, a droesant yn nydd y frwydr.

¹⁰Ni chadwâsant gyfammod Duw, eithr gwrthodâsant rodio yn ei gyfraith ef.

¹¹Ac anghofiâsant ei weithredoedd, ai ryfeddodau y rhai a ddangosâse efe iddynt.

¹²Efe a wnaethe wrthiau o flaen eu tadau hwynt yn nhir yr Aipht, [ym] maes Zoan.

¹³Efe a barthodd y môr, ac a aeth â hwynt drwodd, gwnaeth hefyd i’r dwfr sefyll fel pen-twr.

¹⁴Y dydd hefyd y tywysodd efe hwynt mewn cwmwl, ac ar hŷd y nos wrth oleuni tân.

¹⁵Holltodd efe y creigiau yn anialwch, a rhoddes ddiod [oddi yno] megis [o] ddyfndêrau dirfawr:

¹⁶Canys efe a ddug lifeiriant o’r graig, ac a dynnodd i lawr megis afonydd o ddyfroedd.

¹⁷Er hynny chwanegâsant etto bechu yn eu erbyn ef, gan ddigio y Goruchaf yn y diffaethwch:

¹⁸A themptiâsant Dduw yn eu calon, gan ofyn bwyd wrth eu blŷs.

¹⁹Llefarâsant hefyd yn erbyn Duw, [ac] a ddywedâsant, a ddichon Duw arlwyo bwrdd yn yr anialwch?

²⁰Wele efe a darawodd y graig, fel y pistyllodd dwfr, ac y llifodd afonydd, a ddichon efe roddi bâra hefyd? a ddarpara efe gîg iw bobl?

²¹Am hynny y clybu’r Arglwydd, ac y digiodd, a thân a enynnodd yn Iacob, a digofaint hefyd a gynneuodd yn Israel,

²²Am na chrêdent yn Nuw, ac na obeithient yn ei iechydwriaeth ef.

²³Er hynny efe a orchymynnase i’r wybrennau oddi vchod, ac a agorâse ddrysau y nefoedd:

²⁴Ac a lawiase Manna arnynt iw fwytta: ac a roddâse iddynt lynniaeth o’r nêfoedd.

²⁵Dŷn a fwyttaodd fara angelion, anfonodd iddynt fwyd yn ddigonol.

²⁶Gyrrodd y dwyrein-wynt hyd y nefoedd: ac yn ei nerth y dûg efe ddeheu-wynt.

²⁷Glawiodd hefyd gîg arnynt fel llwch: ac adar ascelloc fel tyfod y môr.

²⁸Ac a wnaeth [iddynt] gwympo o fewn eu gwersyll, o amgylch eu presswylfeudd.

²⁹Felly y bwyttasant, ac y llwyr ddiwallwyd hwynt, ac efe a barodd eu dymuniad iddynt.

³⁰Ni omeddwyd hwynt o’r hyn a flysiasant [er hynny] tra yr ydoedd bwyd yn eu safnau.

³¹Digllonedd Duw a gynneuodd yn eu herbyn hwynt, ac efe a laddodd o’r rhai brasaf o honynt, ac a ostyngodd etholedigion Israel:

³²Er hyn oll pechâsant etto, ac ni chredâsant iw ryfeddodau ef.

³³Am hynny y treuliodd efe eu dyddiau hwynt mewn oferedd, ai blynyddoedd mewn dychryn.

³⁴Pan lladde efe hwynt, os ceisient ef, a ddychwelyd, a cheisio Dduw yn foreu:

³⁵Os cofient hefyd mai Duw [oedd] eu craig, mai y goruchaf Dduw [oedd] eu gwaredudd.

³⁶Er iddynt ragrithio iddo ef ai gênau, a dywedyd celwydd wrtho ai tafod,

³⁷Ai calon heb [fod] yn iniawn gyd ag ef, nai bod yn ffyddlon yn ei gyfammod ef:

³⁸Er hynny efe yn drugarog a faddeuodd [eu] hanwiredd, ac ni ddifethodd [hwynt:] eithr trôdd ymmaith ei ddigofaint yn fynych, ac ni chyffrôdd ei holl lîd.

³⁹Eithr efe a gofie mai cnawd [oeddynt] hwy, [a] gwynt yn myned, ac heb ddychwelyd.

⁴⁰Pa sawl gwaith y digiasant ef yn yr anialwch, ac y gofidiasant ef yn y diffaethwch?

⁴¹Canys troasant, a phrofasant Dduw, a themptiasant Sanct yr Israel.

⁴²Ni chofiasant ei nerth ef, [na’r] dydd y gwaredodd efe hwynt oddi wrth y gelyn.

⁴³Yr hwn a osododd ei arwyddion yn yr Aipht, ai ryfeddodau ym maes Zoan.

⁴⁴Ac y drôdd eu hafonydd ai ffrydau yn waed, fel na allent yfed.

⁴⁵Anfonodd gymmysc-blâ yn eu plith, ac ai difâodd hwynt: a llyffaint iw difetha hwynt.

⁴⁶Efe a roddodd eu cnŵd hwynt i’r Locust, ai llafur i’r ceilioc rhedyn.

⁴⁷Destruwiodd eu gwin-wŷdd â chenllysc, ai Sycomor-wŷdd â chesair.

⁴⁸Rhoddodd hefyd eu hanifeiliaid i’r cenllysc, ai cyfoeth i’r mellt.

⁴⁹Anfônodd arnynt gynddaredd ei lid, llidiawgrwydd, a digter, a chyfyngder, trwy anfon angelion drwg.

⁵⁰Cymhwysodd ffordd iw ddigofaint, nid attaliodd eu henaid oddi wrth angeu: ai bywyd a roddodd efe i’r haint.

⁵¹Tarâwodd hefyd bôb cyntaf-anedic yn yr Aipht, sef blaenion eu nerth hwynt ym mhebyll Cam.

⁵²Ond efe a yrrodd ei bobl ei hun fel defaid, ac ai harweiniodd hwynt fel praidd trwy’r anialwch.

⁵³Tywysodd hwynt hefyd yn ddiogel fel nad ofnasant: a’r môr a orchguddiodd eu gelynnion hwynt.

⁵⁴Hwythau a ddug efe i oror ei sancteiddrwydd: [i’r] mynydd hwn a ennillodd ei ddeheulaw ef.

⁵⁵Ac efe a yrrodd allan genhedloedd oi blaen hwynt, ac a rannodd iddynt [eu] rhan-dir [hwynt] yn etifeddiaeth: a gwnaeth i lwythau Israel drigo yn eu pebyll hwynt.

⁵⁶Er hynny temptiâsant, a digiâsant Dduw goruchaf, ac ni chadwâsant ei destiolaethau.

⁵⁷Eithr ciliâsant a buant anffyddlon fel eu tadau: troâsant fel bŵa twyllodrus.

⁵⁸Digiâsant ef hefyd ai huchel-fannau: a llidiasant ef ai cerfiedic ddelwau.

⁵⁹Clybu Duw [hyn] ac a ddigiodd, ac a ddiystyrodd Israel yn ddirfawr.

⁶⁰Gadawodd hefyd tabernacl Silo, y babell a osodase efe ym mysc dynnion.

⁶¹A rhoddes ei nerth mewn caethiwed, ai brydferthwch yn llaw’r gelyn.

⁶²Rhoddes hefyd ei bobl i’r cleddyf, a digiodd wrth ei etifeddiaeth.

⁶³Tân a yssodd ei wŷr ieuangc, ai forwynnion ni phriodwyd.

⁶⁴Ei offeiriaid a laddwyd a’r cleddyf, ai wragedd gweddwon nid ŵylasant.

⁶⁵Yna y deffrôdd yr Arglwydd fel [un] o gyscu: fel cadarn yn bloeddio gwedi gwîn.

⁶⁶Ac efe a darawodd ei elynnion yn ei hôl: rhoddes iddynt warth tragywyddol.

⁶⁷Gwrthododd hefyd babell Ioseph, ac ni etholodd lwyth Ephraim.

⁶⁸Ond efe a ethôlodd lwyth Iuda, sef mynydd Sion yr hwn a hoffodd efe.

⁶⁹Ac a adailadodd ei gyssegr fel [llŷs] vchel: fel y ddaiar yr hon a seiliodd efe yn dragywydd.

⁷⁰Etholodd hefyd Dafydd ei wâs, ac ai cymmerth o gorlannau y defaid.

⁷¹Oddi ar ôl [y defaid] cyfebrion y daeth ag ef i borthi Iacob ei bobl, ac Israel ei etifeddiaeth.

⁷²Yntef ai porthodd hwynt yn ôl perffeithrwydd ei galon, ac ai trinodd wrth gyfarwyddyd ei ddwylo.