Read William Morgan Bible 1588 original edition Psalmau 79 Bible Online

Psalmau 79 - William Morgan Bible 1588 original edition bible

Psalmau 79

¹Psalm i Asaph. [31]Y cenhedloedd ô Dduw a ddaethant i’th etifeddiaeth, halogâsant dy Deml sanctaidd [a] gosodâsant Ierusalem yn garneddau.

²Rhoddâsant gelanedd dy weision yn fwyd i adar y nefoedd, [a] chîg dy sainct i fwyst-filod y ddaiar.

³Tywalltasant eu gwaed fel dwfr o amgylch Ierusalem, ac nid [oedd ai] cladde.

⁴Yr ydym ni yn warthrudd i’n cymmydogion, dirmyg, a gwatwargerdd i’r rhai ydynt o’n hamgylch.

⁵Pa hŷd Arglwydd? a ddigi di’n dragywydd? a lysc dy eiddigedd di fel tân?

⁶Tywallt dy lid ar y cenhedloedd, y rhai ni’th adnabuant: ac ar y teyrnasoedd y rhai ni alwâsant ar dy enw.

⁷Canys yssasant Iacob, ac a wnaethant ei bresswylfa ef yn anghyfannedd.

⁸Na chofia’r anwireddau gynt i’n herbyn, bryssia, [a] rhacflaened dy dostur drugareddau ni: canys llesc iawn ydym.

⁹Cynnorthwya ni ô Dduw ein iechydwriaeth er mwyn gogoniant dy enw: gwaret ni hefyd, a thrugarhâ wrth ein pechodau er dy enw.

¹⁰Pa ham y dywed y cenhedloedd, pa lê [y mae] eu Duw hwynt? bydded hyspys ym mhlith y cenhedloedd yn ein golwg ni [pa] ddial [a ddaw am] waed dy weision yr hwn dywalltwyd.

¹¹Deued vchenaid y carcharorion ger dy fron, yn ôl mawredd dy nerth cadw blant marwolaeth.

¹²Tâl i’m cymmydogion ar y seithfed iw monwes y gabledd, drwy’r hon i’th gablâsant di ô Arglwydd.

¹³A ninneu dy bobl, a defaid dy borfa a’th foliannwn di yn dragywydd: ac a ddadcanwn dy foliant o genhedlaeth i genhedlaeth.