Read William Morgan Bible 1588 original edition Psalmau 80 Bible Online

Psalmau 80 - William Morgan Bible 1588 original edition bible

Psalmau 80

¹At y pen-cerdd ar chwe-thant, testiolaeth [neu] gan i Asaph. Gwrando ô fugail Israel, yr hwn wyt yn arwain Ioseph fel defaid: ymddiscleiria yr hwn wyt yn eistedd ar y Cerubiaid.

²Cyfot dy nerth o flaen Ephraim, Beniamin a Manasses, a thyret yn iechydwriaeth i ni.

³Dychwel ni ô Dduw, a llewyrcha dy wyneb, a ni a achubir.

⁴O Arglwydd Dduw’r lluoedd, pa hŷd y sorri wrth weddi dy bobl?

⁵Gwnaethost iddynt fwytta bara dagrau, a diodaist hwynt â dagrau [wrth] fesur mawr.

⁶Gosodaist ni yn gynnen i’n cymmydogion, a’n gelynnion a’n gwatwarent yn eu mysc eu hun.

⁷O Dduw’r lluoedd dychwel ni, a thywynna dy wyneb, ac ni a achubir.

⁸Mudaist win-wydden o’r Aipht, bwriaist y cenhedloedd allan, a phlennaist hi.

⁹Arloesaist oi blaen, a pheraist i’r gwraidd wreiddio, a hi a lanwodd y tîr.

¹⁰Cuddiwyd y mynyddoedd gan ei chyscod: ai changhennau [oeddynt fel] cedr-wŷdd rhagorol.

¹¹Hi a estynnodd ei changau hyd y môr, ai brig hyd yr afon.

¹²Pa ham y rhwygaist ei chaeau, fel y tynno pawb a elo heibio [ar hŷd] y ffordd [ei] grawn hi?

¹³Y baedd o’r coed ai turriodd, a bwyst-fil y maes ai pôrodd.

¹⁴O Dduw’r lluoedd dychwel attolwg: edrych o’r nefoedd a chenfydd: ac ymwel a’r win-wydden hon,

¹⁵A’r winllan yr hon a blannodd dy ddeheu-law, ac a’r planhigin [yr hwn] a gadarnheaist i ti dy hun.

¹⁶Lloscwyd hi â thân, [a] thorwyd hi i lawr: gan gerydd dy wyneb y difethir hwynt.

¹⁷Bydded dy law dros ŵr dy ddeheu-law: a thros fab dyn [yr hwn] a gadarnheaist i i ti dy hun.

¹⁸Ac ni chiliwn ni oddi wrthit ti, bywhâ ni, a ni a alwn ar dy enw.

¹⁹O Arglwydd Dduw’r lluoedd trô ni: llewyrcha dy wyneb, a ni a achubir.